USS Thresher (SSN-593)
| Vaartuig klas | Permit class submarine |
|---|---|
| Datum van stigting of ontstaan | 9 Julie 1960 |
| Amptelike naam | USS Thresher |
| Vernoem na | Alopias |
| Geografiese ligging | 41°46′0″N 65°3′0″W |
| Land van oorsprong | Verenigde State |
| Belangrike gebeurtenis | shipwrecking |
| Operateur | Amerikaanse Vloot |
| Vervaardiger | Portsmouth Naval Shipyard |
| Openingsdatum | 9 Julie 1960 |
| Ingebruikneming | 3 Augustus 1961 |
| Vlagstaat | Verenigde State |
| Teken nommer | SSN-593 |
Die USS Thresher was 'n kernaangedrewe duikboot van die Amerikaanse Vloot wat op 10 April 1963 gesink het na 'n ongeluk aan boord. Die Thresher was die leierduikboot in sy klas. Toe dit te water gelaat is, het dit nuwe standaarde ten op sigte van snelheid en diepteduik daargestel. Tydens 1963 ondergaan dit toetse te Charleston en oppad terug na die hawe word hy deur 'n sleepboot gestamp wat skade aanrig aan een van sy ballastenks. Hy word na Groton, Connecticut gestuur vir herstelwerk by die Electric Boat Company. Nadat die herstelwerk voltooi moet hy weer sertifiseringstoetse ondergaan, wat plaasvind ongeveer 322 km vanaf die kus van New England.
Op 10 April 1963 word die Thresher vergesel deur die USS Skylark, met 16 offisiere, 96 manskappe en 17 siviele tegnici aanboord die Thresher. Die Skylark was toegerus met monitor- en onderwaterkommunikasietoerusting. Nadat die Thresher geduik het, rapporteer hy dat hy in die moeilikheid is. Die kommunikasie het toe onduidelik geraak en skielik was die Thresher stil.
Ondersoek
wysigNa 'n ondersoek is daar tot die slotsom gekom dat 'n seewaterpyp moes gebars het in die agterste enjinkamer en water in die enjinkamer ingespuit het. Dit het 'n kortsluiting veroorsaak in een van die elektriese stroombane. Dit het veroorsaak dat die duikboot elektriese kragverlies ondervind het en die kernreaktor was onbruikbaar. Donkerte, mis op see en paniek verhoed die bemanning om die kleppe met die hand te bewerk. Die agterste gedeelte van die duikboot word vol water en dit hang teen 'n helling in die water. Met geen krag nie, sink die duikboot verby die 600 m punt waar dit inplof as gevolg van die druk.
Die ongeluk het tot gevolg gehad dat die Amerikaanse Vloot die American SubSafe Programme op die been gebring het. Dit is 'n kwaliteitsprogram wat verseker dat elke onderdeel ondersoek en aanvaar of afgekeur word. In die toekoms sal geen duikboot in diens gestel word alvorens die nodige sertifikate uitgereik is nie. Alhoewel die USS Scorpion gesink het na die instelling van die program was dit nooit gesertifiseer as deel van die program nie.
Bron
wysig- The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2