Varkensbaai
| Varkensbaai | |
|---|---|
 Varkensbaai soos gesien vanaf Cueva de los Peces | |
 Kaart van die Varkensbaai | |
| Koördinate: | 22°15′45″N 81°11′42″W / 22.26250°N 81.19500°W |
| Ligging: | Kuba |
| Soort: | Baai van die Karibiese See |
| Lengte: | 27 km |
| Breedte: | 10 km |
| Opvangsgebied: | 200 km² |
| Omtrek: | 87 km |
| Uitvloei: | Karibiese See |
| Eiland/e: | Cayo Piedra |
| Nedersettings: | Playa Girón, Playa Larga |
Varkensbaai (Engels: Bay of Pigs; Spaans: Bahía de Cochinos) is 'n gebied aan die Kubaanse suidkus, in die provinsie Matanzas. Die baai is bekend weens ’n militêre aanval wat in 1961 daar geloods is. ’n Groep Kubane wat in die VSA woon, het Kuba probeer binnegaan om die regering van Fidel Castro tot ’n val te probeer bring. Hulle is deur die VSA opgelei en ondersteun, maar die aanval het misluk en hulle is almal in die tronk gestop of om die lewe gebring.[1]
Die baai het die vorm van 'n groot onreëlmatige kusinham. Dit word ten weste deur die Peninsula de Zapata begrens, 'n uitgestrekte moeras- en wortelboommoeras-gebied, en ten ooste deur die agterland van die Giron-strand (Playa Giron) waar talle klein landbougemeenskappe gevestig is. Die kus van die baai is nog grootliks ongerep.
Varkensbaai is nie na varke (cochinos) genoem nie, maar na die koningstrekkervis, wat in Kuba ook cochinos genoem word.[2][3]
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ (es) Claro, Rodolfo; García-Arteaga, Juan P.; Gobert, Bertrand; Cantelar Ramos, Karel (13 Mei 2003). "Tabla 2. Pesos y tallas mínimos legales en Cuba y proporción de peces con tallas inferiores en las capturas con chinchorros y nasas de la empresa pesquera de Caibarién" (PDF). Situación actual de los recursos pesqueros del Archipiélago Sabana-Camagüey, Cuba. Invemar. Besoek op 14 April 2011.
- ↑ (en) "Common Names List – Balistes vetula". Fishbase.org. Besoek op 17 April 2015.
Eksterne skakels
wysig- Wikimedia Commons het meer media in die kategorie Varkensbaai.
