Lengg

Lenk
Basisdate
Staat:	Schwiiz
Kanton:	Bärn (BE)
Verwautigschreis:	Obersimmental-Saanenw
BFS-Nr.:	0792i1f3f4
Poschtleitzahl:	3775
Koordinate:	600366 / 14507446.4577.44341068Koordinate: 46° 27′ 25″ N, 7° 26′ 36″ O; CH1903: 600366 / 145074
Höchi:	1'068 m ü. M.
Flächi:	123.1 km²
Iiwohner:	2276 (31. Dezämber 2022)[1]
Website:	www.lenk.ch
Chroneplatz an der Lengg
Charte
w

D Lengg, amtlich Lenk, mängisch ou Lenk im Simmental, isch e Ywonergmeind im Vrwaltigskreis Obersimmental-Saanen im Kanton Bärn, Schwyz.

D Lengg isch die högst glägeni Gmeind im Simmetal. S Gmeindgebiet umfasst mehreri Bärg, der högsti heisst Wildstrubel (3'244 m ü. M.). E bitzeli unterhalb vom Wildstrubel, bi de Sibebrünne, död entspringt d Simme. In d Simme münde etlichi Siitebäch, so au dr Iffigbach. D Lengg ligt öbbe 80 km vo Bern entfärnt und ungfär 100 km vo Montreux. Der tiefsti Punkt ufm Gmeindsgbiet isch s Niderdorf uf 1'020 m.

D Lengg isch zum erschte Mal gnennt worde im Jahr 1370 als An der Leng. Bis zum 31. Dezämber 2009 het d Gmeind zum Bezirk Obersimmetal ghört.

Dr Name chunt wahrschyndli vo däm lange Bärggrat, wo Lengi Egge gheisst u vom Oberloubhore bis i Talgrund geit. Drum seit me bis hüt im Ortsdialäkt «an der Lengg» u nid öppe «z Lengg».

Quälle: Bundesamt für Statistik 2005^[2]

Dr Uusländeraateil isch 2010 bi 12,5 % gläge.^[3]

81,3 % vo de Ywohner si evangelisch-reformiert, 7,7 % si römisch-katholisch (Stand 2000).

Bi de Nationalraatswahle 2011 het s das Ergebnis ggää:^[3] BDP 16,0 %, CVP 1,1 %, EVP 2,7 %, FDP 8,8 %. GLP 3,1 %, GP 4,0 %, SP 9,3 %, SVP 48,3 %, Suschtigi 6,7 %.

Gmeindspresidänt vor Lengg isch dr Christian von Känel (Stang 2013).

D Gmeind Lengg läbt vor allem vom Tourismus, namentlich vom Wintersport. Usserdem gitz zahlrichi Landwirtschafts- und Gwerbbetrieb. So gitz 6 Säg-/Zimmereibetrieb, 4 Schrinereie, 6 LKW-Transportunternähme, 5 Autobetrib und 12 Hoch- und Tiefbauunuternähme. Um Planig und Vrkauf vo de errichtete Objekt kümmere sich 8 Architektur- und Immobilieunternähme (Stand Dezember 2008).

D Lengg het knapp übr 2000 Iwohner. Es git aber über 5000 Übernachtigsplätz, dervo 800 Hotelbetter. 30 Restaurants biete Ässe und Getränk a (ohni jeglichi Restaurants uf der Schipischte/Wanderpischte).

Näbst em Bätelberg, wo au als Husberg bezeichnet wird, gits an der Lengg e Liftverbund mit der Region Adelbode. Insgsamt 56 Liftalage erschliesse 185 Pistekilometer.

D Arbetslosigkeit isch im Jahr 2011 bi 1,7 % gläge.^[3]

Bir Vouchszeuuig 2000 hei vo de 2337 Ywohner 94,2 % Dütsch aus Houptsprach aaggää, 0,6 % Französisch u 0,2 % Italienisch.^[3] Dr Dialäkt vor Lengg ghört zum Höchstalemannisch.

• 
  di Reformierti Chilche
• 
  di Katholischi Chilche
• 
  s Chalet im Pöscheried
• 
  de Wasserfall vom Iffigbach unterhalb vor Iffigenalp

 Commons: Lengg – Sammlig vo Multimediadateie

• Offizielli Website vo Lengg
• Anne-Marie Dubler: Lenk. In: Historisches Lexikon vo dr Schwiiz.

1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
2. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)
3. ↑ ^{3,0 3,1 3,2 3,3} Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[5] [6] Vorlage:Toter Link/www.bfs.admin.ch, Mai 2012

Politischi Gmeinde im Verwautigs-Chreis Obersimmetau-Saane Boltige | Gsteig bi Gstaad | Lauene | Länk | Saane | Sankt Stefan | Zwösimme Kanton Bärn | Bezirk vom Kanton Bärn | Gmeinde vom Kanton Bärn