Mützig

Mützig
Mairie
Verwàltung
Land	Frànkrich
Region	Grand Est
Département	Bas-Rhin (67)
Arrondissement	Molsheim
Kànton	Mützig
Kommünàlverbànd	Région de Molsheim-Mutzig
Àmtliga Nàma	Mutzig
Maire	Jean-Luc Schickele (2014-2020)[1]
Code Insee	67313
Poschtlaitzàhl	67190
Iiwohner
Iiwohner	6.094
Flech	8,01 km2
Bevelkerungsdicht	739,58 Iiw./km2
Làg
Koordinate	48° 32′ 19″ N, 7° 27′ 15″ E / 48.538611111111°N,7.4541666666667°E / 48.538611111111; 7.4541666666667Koordinate: 48° 32′ 19″ N, 7° 27′ 15″ E / 48.538611111111°N,7.4541666666667°E / 48.538611111111; 7.4541666666667
Heche	180–397 m
Mützig Mützig (Frànkrich)
Website
http://www.mairie-mutzig.fr, http://www.villedemutzig.fr

Mützig (IPA: [ˈmytsik], frz. Mutzig, dt. Mutzig) ìsch e frànzeesche Gmein ìm Unterelsàss ìn dr Region Grand Est (bìs 2015 Region Elsàss). D Gmein ghert zem Kanton Mützig un zem Arrondissement Molsheim.

Mützig lejt àn dr Brìsch, wie die üs dr Vogese ìn dr Rhinewene kunnt. Nochbergmeine sìn Molse, Dorelse, Rosewiller, Grasswiller, Dìnse, Dàngelse un Sulz.

Mützig ìsch zem erschte Mol gnannt worre ànne 913 àls Muzzeca, 11. Jh.: Muziaca. Ìm Johr 1308 ìsch s àn dr Bischof vun Stroßburi kumme. Druppe vun dr Armagnacs han d Stàdt ànne 1444 nìt kenne erowere, zeh Johr speter (1454) ìsch sa àwer durich dr Grof vun Zweibrücken ingnumme un zwei Johr speter wider vun dr Stroßburjer befreit worre.

Vun 1871 bìs 1918 hàt d Gmein zem ditsche Richslànd Elsàss-Lothringe ghert.

S Städtel ìsch e wichti Militärstàndort. S gìt e Làjer ìn dr Stàdt un uff em Bari ìm Norde ìwwer dr Stàdt - un ém Weschte vun Molse ìsch s Fort de Mutzig, e Feschte, wie de Ditsche vor em Erscht Waltkriej geböit han, àls "Feste Kaiser Wilhelm II", fer züem s Brischdàl ze sichere un z bewàche.

Dr Maire vun Mützig ìsch dr Jean-Luc Schickele. Mützig ghert zem Kommünàlverbànd Région de Molsheim-Mutzig.

Dr elsassisch Dialekt vun Mützig ghert zem Owerrhinàlemànnisch.

• 
  Stàdtdor
• 
  Rohan-Schloss

Bekànnt worre ìsch Mützig vor àllem durich d Mützig-Bröierei, wie 1810 vum Antoine Wagner grìndet worre ìsch. Wie d Bröierei vun eme Bierkonzern ìwernumme worre isch, ìsch sa ànne 1989 züegmàcht worre. Z Schìlige wìrd àwer witterscht noch e Bier gebröit unter em Nàmme Mützig.

• Louis François Antoine Arbogast (* 1759), frànzesischer Mathematiker
• Antoine Alphonse Chassepot (1833–1905), frànzesischer Erfìnder (Wàffetechnik)
• Joseph Ehrismann (1880–1937), Glàs- und Kunschtmoler

• Michel Paul Urban: Lieux dits. Dictionnaire étymologique et historique des noms de lieux en Alsace. Édition du Rhin, Strasbourg 2003

 Commons: Mutzig – Sammlig vo Multimediadateie

 Mützig in der Topographia Alsatiae (M. Merian) im dütschsprochige Wikisource

• http://www.mairie-mutzig.fr
• Mutzig bi dr CC de la Région de Molsheim-Mutzig

1. ↑ Liste des maires au 25 avril 2014 (data.gouv.fr)
2. ↑ INSEE: Population et logements par commune depuis le recensement de 1962 (1961 pour les Dom) à 1999