Habitat
Un habitat ye un aria ecolochica u medioambiental que ye habitada por una especie particular d'animal, planta u atro tipo d'organismo.[1][2] Ye o medio natural on vive un organismo, u o medio fisico que lo rodeya y influencía u que fa servir a población d'este organismo.[3]
Definición
[editar | modificar o codigo]O termin "población" ye preferible a "organismo" porque si ye posible describir l'habitat d'un onso negro solo tamién ye posible que no podamos trobar atro onso negro particular. Manimenos l'agrupación d'onsos negros que constituye una población reproductora y que ocupa una cierta aria biocheografica. A mes, este habitat puet estar bellacosa diferent de l'habitat d'atros onsos negros que vivan en atro puesto, d'astí o termin habitat no se faiga servir ni pa on vive a especie ni on vive l'individuo.
Microhabitat
[editar | modificar o codigo]O termin microhabitat se fa servir a sobén pa describir requerimientos de poblacions u organismos particulars a una escala chicota.
Habitat suboptimo
[editar | modificar o codigo]Cuan una especie va desapareixendo d'a suya aria de distribución va restrinchindo-se a reductos que pueden representar pa ella un "habitat suboptimo" on as condicions no son as mes adecuadas pa l'alimentación, a reproducción u o suyo comportamiento. En estas condicions o creiximiento demografico ye baixo u nulo y as posibilidaz de supervivencia u recolonización d'arias millors se reducen.
Un caso d'ocupación d'habitat suboptimo ye l'habitat que ocupa o fardacho d'El Hierro Gallotia simonyi, u as cuevas on cría a foca monche Monachus monachus. S'ha sinyalau que o Parque Nacional d'Ordesa representaba pa o bucardo Capra pyrenaica pyrenaica un habitat suboptimo por a dureza d'as condicions climaticas y que si estió o zaguer puesto on sobrevivió ye porque yera mes difícil de cazar. En a extinción de l'Hombre de Neanderthal as tierras altas d'a peninsula Iberica y os Balcans talment representasen un habitat suboptimo en relación a l'ampla aria que ocupaban enantes d'entrar l'hombre moderno en Orient Meyo y Europa.
Veyer tamién
[editar | modificar o codigo]- Conservación de l'habitat.
- Destrucción de l'habitat.
- Fragmentació de l'habitat.
- Habitat chardín.
- Paisache natural.
- Recurso natural.
- Habitat humán.
Referencias
[editar | modificar o codigo]- ↑ Dickinson, C.I. 1963. British Seaweeds. The Kew Series
- ↑ Abercrombie, M., Hickman, C.J. and Johnson, M.L. 1966.A Dictionary of Biology. Penguin Reference Books, London
- ↑ "Living Things: Habitats and Ecosystems". The Franklin Institute. http://www.fi.edu/tfi/units/life/habitat/habitat.html. Retrieved 29 June 2011.
