رضوان جيد
رضوان جيد (مزيود ف 9 أبريل 1979 ف أڭادير) أربيط دولي مغريبي د كورة.[1]
لكاريير
رضوان جيد هوّ ولد لاربيط لمغريبي محمد جيد لي كان رئيس ديال اللجنة الجيهاوية د الروابط ف لعصبة د سوس د كورة. بدا رضوان جيد لكاريير ديالو ف موسم 1993-1994 ف أڭادير ف لمركز د تكوين لحكّام، و تال 1998 كان أربيط د لعصبة. ولّا موراها أربيط ديال مابين لعصبات تال موسم 2002-2003 فاش طلع ل مستوى أربيط فيديرالي.[2]
خدا لبادج الدولي د فيفا ف 2009، و كان أصغر أربيط دولي مغريبي ف داك لوقت. ف 2019، تّختار من بين النخبة A ديال الروابط ف إفريقيا من عند لكاف.[3]
على لمستوى لمحلي، رضوان جيد حكم بزاف د لماتشات ب ملحوضية عالية بحال الديربيات بين الراجا و لوداد، و لأدوار اللخرة ديال كاس لعرش.[2]
على لمستوى الدولي، تّختار باش يحكم ماتشات ف كاس إفريقيا ف 2017، 2019، و 2023. و كان من بين لحكّام ديال كاس لعالم 2022 ف قطر و كاس لعالم د لأندية 2022 ف لمغريب.[4][5]
عيون لكلام
- ^ "Redouane Jiyed's profile on worldreferee.com". مأرشيڤي من لأصل ف 23 July 2017.
- ^ a b "Jiyed, digne héritier de Belqola". LesEco.ma (ب لفرانساوية). 2019-07-15. تطّالع عليه ب تاريخ 2024-01-21.
- ^ M'bark Chbani. "Arbitrage : Redouane Jiyed parmi l'élite "A" de la CAF". مأرشيڤي من لأصل ف 14 July 2019.
- ^ Youssef Moutmaine (2022-04-06). "Qatar 2022 : l'arbitrage marocain sera représenté par Redouane Jiyed". LeMatin.ma (ب لفرانساوية). تطّالع عليه ب تاريخ 2024-01-21.
- ^ Ibtihal Bassir (2023-01-17). "Redouane Jiyed parmi les arbitres retenus pour diriger le Mondialito". www.maroc-hebdo.press.ma (ب لفرانساوية). تطّالع عليه ب تاريخ 2024-01-21.