Diferencies ente revisiones de «Adrián Carrio»

Pal pilotu de coches estadoxunidense, ver Adrian "Ace" Carrio.

Adrián Carrio ye un pianista de jazz d'Uviéu, Asturies, nacío en 1986. Fíu y hermanu de pianistes, entamó a tocar el pianu de mena autodidacta cuando tenía sólu 6 años, y anque los pas unviáron-y a deprender a tocar pianu clásicu con Marina Santamarina, caltuvo el so deprendizax autodidacta na estaya jazzística dimientres dellos años. En 2005 creyó la so propia banda, "Rendez-Vous Project", con Javier Rubio (saxu tenor), David Casillas (baxu) y Jaime Moraga (batería). Carrio tamién toca'l tecláu n'otros proyeutos, como'l de la banda española de power metal WarCry, "Pablo Valdés & The Crazylovers", "Mokomitas", "Lydie Carell Quintet", el "Hot Club of Andalucia" y otros munchos. Tien tocao en dellos escenarios d'España, Alemaña, Francia y Portugal, y al mesmu tiempu tien planegao tocar en Londres a entamos del 2009. Tien declarao que les sos influencies vienen de músicos como Oscar Peterson, Herbie Hancock, Debussy, Bill Evans, Duke Ellington, Art Tatum o Michel Petrucciani ente otros.

Adrián Carrio en MySpace