Carl Friedrich Zelter
Carl Friedrich Zelter (Berlin, 1758ko abenduaren 11 - ibidem, 1832ko maiatzaren 15a) alemaniar musikagilea izan zen. Igeltsero-lanetan aritu zen aitarekin, baina gero Musika ikasketak egin zituen K.F. Faschekin, eta haren ondorengo izan zen zuzendari-lanetan, Singakademie edo Errege Kantu Akademian (1800). Prusiako Arte Ederretako Akademiako irakasle izan zen, eta 1809. urtean lieda lantzea helburu zuen Liedertafel koru-elkartea sortu zuen. Berlingo Udal Liburutegia antolatu zuen, eta J.S. Bachentzat leku berezia sortu zuen, haren lanak berpizteko. Goetheren adiskidea izan zen, eta ikasle izan zituen Mendelssohn eta Meyerbeer, besteak beste. Liedak, koruak, kantata batzuk, Igokundea (1807) oratorioa, requiem bat, Te Deum bat, eta biola eta orkestrarako kontzertu bat idatzi zituen.
| Carl Friedrich Zelter | |
|---|---|
 | |
| Bizitza | |
| Jaiotza | Berlin, 1758ko abenduaren 11 |
| Herrialdea |  Prusiako Erresuma |
| Heriotza | Berlin, 1832ko maiatzaren 15a (73 urte) |
| Hobiratze lekua | Sophienkirche (en)  |
| Familia | |
| Ezkontidea(k) | Julie Pappritz (en) (1796 - |
| Hezkuntza | |
| Hizkuntzak | alemana |
| Irakaslea(k) | Carl Friedrich Christian Fasch (en) |
| Ikaslea(k) | |
| Jarduerak | |
| Jarduerak | musikagilea, musika-irakaslea eta orkestra zuzendaria |
| Enplegatzailea(k) | Berlingo Humboldt Unibertsitatea |
| Kidetza | Berlingo Arteen Akademia |
| Genero artistikoa | musika klasikoa |
     | |
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.