Dorset
Dorset (earder ek wol Dorsetshire) is in greefskip yn it sudwesten fan Ingelân, oan 'e kust fan it It Kanaal, dat oprjochte waard yn 'e tsiende iuw. De haadstêd is Dorchester (sûnt 1305). It greefskip is op syn breedst 80 kilometer en maksimaal 64 kilometer lang, hat in oerflak fan 2.652 kante kilometer. Dorset grinzget yn it westen oan Devon, yn it noardwesten oan Somerset, yn it noardeasten oan Wiltshire en yn it easten oan Hampshire. De helte fan Dorsets befolking wennet yn it steedlik gebiet om Dorchester hinne. It oerbliuwend diel fan it greefskip bestiet út tinbefolke plattelân.
Skiednis
bewurkje seksjeDe namme Dorset ("Dorseteschire") waard it earst neamd yn 940 nei Kristus; it betsjut "lju dy't yn Dorchester wenje, dêr't mei de fûsten fjochte wurdt". It gebiet dat no Dorset foarmet, waard om 8000 foar Kristus foar it earst troch minsken bewenne. Dizze jagers út it stiennen tiidrek setten har nei wenjen oan de kust en yn de delling fan de Stour. Bosken fan Dorset waarden delhelle mei help fan ark en fjoer. Op de hege kalkhichten waarden ferdidigingsforten boud, sa as Maiden Castle. Leger lizzende gebieten waard lânbouwgrûn fan makke yn de rin fan de tiid.
Yn Dorset binne in protte Romeinske artefakten opgroeven. Op it plak fan de stêd Dorchester fan no, ferôvere Vespasianus yn 54 nei Kr. Maiden Castle op de Keltyske Durotrigen. Ut de stêd wei makken de oerwinners wegen nei in soad oare Romeinske delsettingen op de Britske eilannen. Yn dy perioade ferhuzen de bewenners fan Dorset fan de hege grûn nei de dellings, en yn de 4e iuw nei Kristus wienen de hichten suver ferlitten. De ferdigeningsrinfuorge, Bokerley Dyke, fertrage de Saksyske ferôvering fan Dorset mei benei 200 jier. It Domesday Boek jout ferwizingen nei in protte Saksyske delsettingen dy't faak oerienkomme mei de doarpen en stêden fan no. Nei de bekearing ta it kristendom lutsen kleasters in soad lân en macht oan.
Neffens de Angelsaksyske Kronyk wie it 789 dat de Wytsingen de earste oanfal op Ingelân dienen, op de kust fan Dorset by it eilân Portland.
Under in boargerkriich yn de 12e iuw waarden oeral yn Dorset nije ferdigeningsforten oplutsen, sa as Corfe Castle, Powerstock, Wareham en Shaftesbury. Kleasters dy't der al wiene, sa as Abbotsbury, waarden fersterke. Yn de Midsiuwen wie Dorset as jachtgebiet yn trek by it Ingelske keningshûs en de adel. De macht fan de kleasters waard hieltyd lytser, sadat der mear lân foar oaren frijkaam. Dy ûntjouwing late ta in groei fan de befolking. Yn de Ingelske boargerkriich fan de 17e iuw ferneatigen de Parlemintariërs Corfe Castle en Sherborne Castle, dy't yn hannen fan de Royalisten wiene. De Yndustriële Revolúsje fan de 19e iuw fernaam it greefskip net folle fan; Dorset is oant no ta meast in agrarysk gebiet bleaun.
Distrikten
bewurkje seksje.svg){kind=link}
Demografy
bewurkje seksje| Befolking Dorset | |||||||
|---|---|---|---|---|---|---|---|
| Jier | Ynwennertal | Jier | Ynwennertal | Jier | Ynwennertal | ||
| 1801 | 101,857 | 1871 | 178,813 | 1941 | 214,700 | ||
| 1811 | 112,930 | 1881 | 183,371 | 1951 | 233,206 | ||
| 1821 | 129,210 | 1891 | 188,700 | 1961 | 259,751 | ||
| 1831 | 143,443 | 1901 | 188,263 | 1971 | 292,811 | ||
| 1841 | 161,617 | 1911 | 190,940 | 1981 | 321,676 | ||
| 1851 | 169,699 | 1921 | 193,543 | 1991 | 366,681 | ||
| 1861 | 174,255 | 1931 | 198,105 | 2001 | 390,986 | ||
| Pre-1974 statistics were gathered from local government areas that now comprise Dorset Source: Great Britain Historical GIS.[1] | |||||||
Berne yn Dorset
bewurkje seksje- Walburga (± 710-779), missysuster
- Mary Anning (1799-1847), fossilesamler
- Thomas Hardy (1840-1928), romanskriuwer
-
Bournemouth
-
Kastiel Corfe
-
Lyme Regis haven
| Boarnen, noaten en/as referinsjes: |
| Ofbylden dy't by dit ûnderwerp hearre, binne te finen yn de kategory Dorset fan Wikimedia Commons. |
