Gina Tolleson

Gina Tolleson
model
persoanlike bysûnderheden
echte namme	Gina Marie Tolleson
nasjonaliteit	Amerikaansk
berne	4 juny 1970
berteplak	Spartanburg (Súd-Karolina)
etnisiteit	Angelsaksysk Amerikaansk
wurkpaad
soarte model	fotomodel
jierren aktyf	1989 – 1997
titel(s)	Miss South Carolina USA 1990 Miss World USA 1990 Miss World 1990
offisjele webside
gjint

Gina Tolleson (folút: Gina Marie Tolleson; Spartanburg (Súd-Karolina), 4 juny 1970) is in Amerikaansk model.

Yn 1989 helle hja it twadde plak by de Miss USA-ferkiezing fan dat jier. Se wûn yn 1990 de titel Miss South Carolina USA, en waard dêrnei keazen ta Miss World United States. Doe't se yn dy hoedanichheid de Feriene Steaten fertsjintwurdige op 'e Miss World-ferkiezing, wûn se ek dy skientmewedstryd, wêrby't se coacht waard troch C.B. Mathis, fan CB's Limited, út Lancaster yn Súd-Karolina.

As Miss World wie Tolleson de opfolchster fan 'e Poalske Aneta Kręglicka en waard se sels opfolge troch de Fenezolaanske Ninibeth Leal. Yn it jier dat se de titel yn besit hie, reizge se nei Grut-Brittanje, Dútslân, Kanada, de Dominikaanske Republyk, Súd-Afrika, Poalen, Belize, El Salvador en Gûatemala, en besocht ek alle hoeken fan har heitelân.

Yn 1994 troude Tolleson mei de 23 jier âldere Kanadeeske akteur Alan Thicke, mei wa't se in soan krige, Carter William Thicke. Yn 1999 rûn it houlik lykwols út op in skieding.