Hajj

Hajj
	21° 25′ 21″ N, 39° 49′ 34″ E / 21.4225°N,39.82617°E
Cineál	oilithreacht ; Fard (en)
Cuid de	Cúig cholún Ioslam
Tír	an Araib Shádach
Eagraí	Ministry of Hajj and Umrah (en)
Rannpháirtí	Moslamach
Críochphointe	Meice, An Araib Shádach
Reiligiún	Ioslam
Is cúis le	Hajji (en)
Meán cumarsáide
Codanna
	Types of Hajj (en)

Is oilithreacht í an Hajj,^[1] sa chathair Meice san Araib Shádach. Is í Meice an chathair is naofa in Ioslam. Tá al-Masjid al-Haram ("An Mosc Naofa") suite sa chathair, agus is é an áit is naofa ar domhan, de réir na Moslamach.

Mar sin, tá oilithreacht bhliantúil ann, an Hajj. Tá sé ar na cúig dhualgais reiligiúnacha atá ar gach Moslamach an Hajj a dhéanamh, uair amháin ar a laghad i saol an duine.

Féilire

Tarlaíonn an Hajj i mí Du al-Hijja, an mhí dheireanach i bhféilire Ioslamach na gealaí.

Glacann na milliúin Moslamach páirt sa Hajj gach bliain. Áirítear an oilithreacht ar an slógadh is mó bliantúil de dhaoine ar domhan.

Tubaistí

Bíonn an Déardaoin ar an lá is contúirtí den Hajj gach bliain, mar go dtiteann sé ar Eid al-Adha, lá a maraíonn Moslamaigh caora agus de bharr go mbíonn an oiread sin oilithrigh ag marú na n-ainmhithe san aon áit amháin, ag an am céanna.

Ar an 24 Meán Fómhair 2015 maraíodh timpeall 2,500 duine^[2] agus gortaíodh na céadta le teann brú nuair a thosaigh táinrith in aice Meice. Tharla an brú ar shráid "204" i gcampa sa chathair Mina, áit a bhfanann na hoilithrigh, cúpla míle soir ó Mheice.^[3]

Dúirt an rialtas nach maraíodh ach 700, agus go raibh a locht fhéin ar roinnt oilithreach mar nár lean siad treoracha faoi mar ba cheart dóibh.^[4]

Bhí fiosrúchán iomlán ordaithe ag Rí na hAraibe Sádaí, Salman, faoin mbealach a n-eagraítear an oilithreacht bhliantúil. Ach dúirt Rialtas na hIaráine gur chóir don Araib Shádach freagracht iomlán a ghlacadh as ar tharla.

Féach freisin

Meice

Tagairtí

↑ ““hajj” | téarma.ie”. Téarma.ie: An Bunachar Náisiúnta Téarmaíochta don Ghaeilge. An Coiste Téarmaíochta. Dáta rochtana: 2023-05-23.
↑ "2015 Mina stampede" (as en) (2023-04-21). Wikipedia.
↑ Nuacht RTÉ
↑ Nuacht RTÉ (2015-09-25). "Bainistiú na hoilithreachta Haj cosanta" (as ga).

[Tearma-1] ““hajj” | téarma.ie”. Téarma.ie: An Bunachar Náisiúnta Téarmaíochta don Ghaeilge. An Coiste Téarmaíochta. Dáta rochtana: 2023-05-23.

[2] "2015 Mina stampede" (as en) (2023-04-21). Wikipedia.

[3] Nuacht RTÉ

[4] Nuacht RTÉ (2015-09-25). "Bainistiú na hoilithreachta Haj cosanta" (as ga).

[1]