Gremio

O gremio era un tipo de asociación económica de orixe europea, implantada tamén nas colonias, que agrupaba os artesáns dun mesmo oficio, e que apareceu nas cidades medievais e estendeuse até fins da Idade Moderna, cando foron abolidas. Tivo como obxectivo conseguir un equilibrio entre a demanda de obras e o número de obradoiros activos, garantindo o traballo aos seus asociados, o seu benestar económico e os sistemas de aprendizaxe. Sostívose que o gremio foi un precedente do sindicato moderno.