David Villa

David Villa

Biografía
Nacemento	3 de decembro de 1981 (42 anos) Tiuya, España
Outros nomes	El Guaje
Altura	175 cm
Peso	69 kg
Actividade
Ocupación	futbolista
Período de actividade	2000 - 2020
Nacionalidade deportiva	España
Deporte	fútbol
Liga	Major League Soccer, J.League (en) e Primeira División Española
Posición de xogo	Dianteiro
Traxectoria   Equipo 2000–2001   Real Sporting de Gijón B 36 (14) 2001–2003   Sporting de Gijón 80 (38) 2003–2005   Real Zaragoza 73 (32) 2005–2010   Valencia CF 166 (107) 2010–2013   FC Barcelona 77 (33) 2013–2014   Atlético de Madrid 36 (13) 2014–2014 → cesión:  Melbourne City FC 4 (2) 2014–2018 New York City FC 124 (80) 2019–2020 Vissel Kobe 28 (13)   Selección nacional 2001–2002   Asturias 32 (27) 2002–2003   España sub-21 7 (0) 2005–2014   España 98 (67)
Participou en
2014	Mundial de Fútbol Brasil 2014
2010	Mundial de Fútbol Suráfrica 2010
2009	Copa Confederacións Suráfrica 2009
xuño de 2008	Eurocopa de Fútbol Austria/Suíza 2008
2006	Mundial de Fútbol Alemaña 2006
Premios
Medalla de Ouro da Real Orde do Mérito Deportivo
Páxina web	davidvilla7.es

David Villa Sánchez, nado en Tiuya (Langreu, Asturias) o 3 de decembro de 1981, é un futbolista español. Xoga de dianteiro e o seu actual equipo e o Melbourne City, cedido polo New York City. Caracterízase pola súa rapidez e mobilidade. O seu alcume é «El Guaje», chamado así polos seus amigos porque sempre xogaba cos maiores.^[1]

En 2010 proclamouse campión da Copa Mundial de Fútbol coa selección española.

O 19 de maio de 2010 anunciouse o seu traspaso ao Fútbol Club Barcelona por un total de 40 millóns de euros.^[2]

O seu debut produciuse o 9 de febreiro de 2005, en Almería. Disputábase un partido de clasificación para o Mundial de Alemaña 2006, cuxo resultado foi España 5-0 San Marino.

No primeiro partido de España no Mundial contra Ucraína, Villa marcou dous goles. O primeiro nun libre directo que tocou na barreira descolocando ao porteiro, e o segundo de penalti (que foi o primeiro en sinalarse en devandito torneo). En oitavos de final marcou, de novo de penalti, esta vez ante Francia, equipo que apeou da competición aos españois por 3-1.

Xogando con España, converteuse en máximo goleador da Eurocopa 2008 cun total de 4 goles. O día 10 de xuño de 2008, no partido de debut da selección española contra a selección rusa, Villa fixo un hat-trick. O resultado final foi 4-1 a favor de España.

No segundo partido de España, xogado o 14 de xuño contra Suecia, Villa marcou o gol da vitoria por 2-1 no último minuto do partido e mete a España en cuartos de final como 1ª de grupo. En cuartos de final contra Italia marcou o primeiro penalti da serie de penaltis, na vitoria de España 4-2, tras terminar o partido 0-0 en tempo regular. Na semifinal contra Rusia saíu lesionado. Unha microrrotura fibrilar impediulle xogar a final onde España conseguiu o seu segundo campionato Europeo da UEFA, ao derrotar a Alemaña 1-0.

O 11 de xullo de 2010 proclamouse campión da Copa Mundial de Fútbol coa selección española en Suráfrica, no que marcou 5 dos 8 goles de España.

En xullo de 2013 fichou polo Atlético de Madrid.

Este artigo (ou sección) está desactualizado(a). A información fornecida mudou ou é insuficiente.

Real Zaragoza

• Copa do Rei (1): 2003–04
• Supercopa de España (1): 2004

Valencia

• Copa do Rei (1): 2007–08

Barcelona

• Primeira División (2): 2010–11, 2012–13
• Copa do Rei (1): 2011–12
• Supercopa de España (2): 2010, 2011
• Liga de Campións da UEFA (1): 2010–11
• Supercopa de Europa (1): 2011
• Copa Mundial de Clubs da FIFA (1): 2011

Atlético de Madrid

• Primeira División (1): 2013–14

España

• Copa do Mundo da FIFA (1): 2010
• Eurocopa (1): 2008

• Web oficial con información do Campus de David Villa Arquivado 17 de maio de 2014 en Wayback Machine. (en castelán).
• Sportec.es (en castelán).

Wikimedia Commons ten máis contidos multimedia na categoría:  David Villa

A Galicitas posúe citas sobre:  David Villa