Joachim Streich

Joachim Streich
	;
Biografía
Nacemento	13 de abril de 1951 ; Wismar, Alemaña
Morte	16 de abril de 2022 (71 anos); Leipzig, Alemaña
Datos persoais
País de nacionalidade	Alemaña (1990–2022); República Democrática Alemá (1951–1990)
Altura	173 cm
Peso	79 kg
Actividade
Ocupación	futbolista , adestrador de fútbol
Período de actividade	1967 -
Lingua	Lingua alemá
Nacionalidade deportiva	República Democrática Alemá ; Alemaña
Deporte	fútbol
Disciplina deportiva	fútbol
Liga	DDR-Oberliga (pt)
Posición de xogo	Dianteiro
Traxectoria
Participou en
1974	Mundial de Fútbol Alemaña 1974
1972	Futebol nos Jogos Olímpicos de Verão de 1972 (pt) (Medalla de bronce olímpica)

Joachim Streich, nado o 13 de abril de 1951 en Wismar, República Democrática Alemá, e finado o 16 de abril de 2022, foi un futbolista que xogaba na demarcación de dianteiro. Foi o xogador con máis encontros disputados e goles anotados da historia da Selección de fútbol da RDA.

Traxectoria

Como xogador

A súa carreira profesional transcorreu na Oberliga da extinta RDA, comezou a xogar con 16 anos no Hansa Rostock, debutando na Oberliga o 23 de agosto de 1969 contra o Dynamo Dresden. Militou no equipo do Mar Báltico oito tempadas, ao fin das cales foi traspasado ao 1. FC Magdeburg, nos dez anos que estivo no equipo proclamouse máximo goleador da Liga catro veces, gañou o Campionato nacional en tres ocasións (1978, 1979 e 1983) e disputou a Copa da UEFA. Foi votado Futbolista do ano da RDA en 1979 e 1983.

Debutou coa Selección de fútbol da RDA o 19 de decembro de 1969 nun encontro amigábel ante Iraq, porén non marcaría o seu primeiro gol ata setembro de 1971 ante Checoslovaquia en Berlín.

Formou parte do combinado nacional que gañou a medalla de bronce nos Xogos Olímpicos de 1972 en Múnic e tamén participou no Mundial de Fútbol Alemaña 1974, disputando catro encontros e marcando dous goles.

Disputou o seu encontro número 100 o 12 de setembro de 1984 nun amigábel ante Inglaterra e finalmente retirouse con 102 encontros disputados coa selección un mes despois. Porén, en 1999 a FIFA invalidou catro dos encontros dos Xogos Olímpicos de 1972, polo cal so lle recoñece 98, pero a Federación de fútbol de Alemaña segue a recoñecelo como un dos poucos xogadores que chegaron a disputar 100 encontros coa súa selección.

Como adestrador

Unha vez retirado do fútbol comezou a adestrar o último equipo no que xogara, o 1. FC Magdeburg, no mesmo ano. Así dirixiu o equipo dende 1985 ata 1990, cando fichou polo Eintracht Braunschweig. Porén so estivo un ano nese equipo, volvendo ao Magdeburg á tempada seguinte, porén volvería a deixar o equipo pronto, estando uns anos sen dirixir profesionalmente ningún equipo.

Finalmente adestrou o FSV Zwickau na tempada 1996-1997.

Véxase tamén

Ligazóns externas

Biografía do xogador na páxina da UEFA
Participacións internacionais do xogador Arquivado 23 de xuño de 2012 en Wayback Machine.
Participación do xogador no Mundial de 1974