Reeriaght ny h-Albey

Va Reeriaght ny h-Albey (Gaelg Albinagh: Rìoghachd na h-Alba, Baarle Albinagh: Kinrick o Scotland, Baarle: Kingdom of Scotland) ny çheer ayns sheear hwoaie ny h-Oarpey veih'n vlein 843 derrey 1707. Va'n çheer soit ayns trass twoaie ellan ny Bretyn Mooar as va joarey thallooin da'n jiass eck lesh Reeriaght Hostyn. Rere çheoraghyn Aght yn Unnaneys ny bleeaney 1707, haink y daa heer ry-cheilley dy yannoo Reeriaght ny Bretyn Mooar. Veih 1482, ny yei haink y balley slystagh Berwick fo stiurey Hostyn, va eaghtyr Reeriaght ny h-Albey unnane as eaghtyr ny h-Albey noa-emshiragh. Va'n reeriaght caglit liorish Mooir Hostyn da'n shiar, y Cheayn Sheear da'n twoaie as y sheear, as liorish Ammyr ny h-Albey as Mooir Vannin da'n sheear yiass. Shaghrey magh ny mooarheer, va'n reeriaght jeant sheose jeh ny smoo na 790 ellanyn.

Reeriaght ny h-Albey Rìoghachd na h-Alba  (Gaelg Albinagh ) Kinrick o Scotland  (Baarle Albinagh)
←   ← 843-1707 →
Brattagh Cowrey cleinney reeoil
Jarroo-raa In My Defens God Me Defend (Baarle Albinagh) (Taishbynit ny keayrtyn myr IN DEFENS)
Preeu-valley	Doon Edin¹
Çhengaghyn	Gaelg Albinagh, Baarle Albinagh
Craueeaght	Creestiaght
Reiltys	Reeriaght
Ree/Benrein
- 843-858	Kenniagh I
- 1567–1625	Jamys VI
- 1702-1707	Ann
Quaiyl	Ard-whaiyl ny h-Albey
Eash shendeeagh	Ny Mean Eashyn
- Currit ry-cheilley	843
- Goaill stiagh Lodainn as Strah Chleayee	1124
- Goaill stiagh yn Ghallioo	1234/35
- Goaill stiagh Inshyn Goal, Mannin as Gallaibh	1266 (Conaant Pheairt)
- Goaill stiagh Shetlynn as yn Orkaid	1472
- Aghtyn yn Unnaneys	1 Boaldyn, 1707
Argid	Punt Albinagh (Pund)
¹ Roish Doon Edin, va'n preeu-valley soit ayns Sgàin as baljyn elley.

Roish haink er Doon Edin, y balley smoo ec y traa, dy ve ny phreeu-valley, va stayd phreeu-valjagh er Sgàin, Dùn Phàrlain as Strooley. 'Sy vlein 1700 va ny smoo na 1.1 villioon cummaltee ayns Reeriaght ny h-Albey.