Anna Lindh
| Anna Lindh | ||
| ||
| Profesiono: | politikistino | |
| Lando: |  Suedia
| |
| Naskodato: | 19 di junio 1957 | |
| Nasko-loko: | Enskede, Suedia | |
| Mortodato: | 11 di septembro 2003 | |
| Morto-loko: | Stockholm, Suedia | |
Anna Lindh (1957 til 2003) esis Sueda politikisto social-demokratista. El laboris kom ministro pri exterlandal aferi di Suedia, kande el mortigesis.
Lindh naskis ye la 19ma di junio 1957 proxim Stockholm, en Enskede. En 1970 el koheris Social-demokratista yun-organizuro (SSU). En 1977 el elektesis municipala deputatino ed en 1982 parlamentano. Samayare el finis sua studii en Uppsala divenante jurisprudencisto. En 1984 el elektesis prezidantino dil SSU.
Dum yari 1991 til 1994 el esis helpanta urbestro di Stockholm en domeno di kulturo e libertempo. De 1994 til 1998 el funcionis kom medio-ministro en rejimo di chefministro Ingvar Carlsson. En 1998 el nominesis ministro pri exterlandal aferi en rejimo dil chefministro Göran Persson. El esis tre populara e laborema.
Ye la 10ma di septembro 2003 el eniris magazino kun sua amikino. Ibe Serbia-naskinta Mijailo Mijailovic frapis el per kultelo. Ye la 11ma di septembro el mortis en kliniko.