Prefektur Osaka

Osaka (大阪市, Ōsaka-shi^?, Kota Osaka) yaiku kutha ing wewengkon Kansai, Jepang. Saliyané minangka kutha krajan Prefektur Osaka, kutha iki dikukuhaké minangka salah siji Kota Terpilih dhedhasar Undang-Undang Otonomi Lokal. Osaka yaiku kutha kang duwé pendhudhuk nomer telu ing Jepang sawisé Tokyo lan Yokohama. Kutha iki dumunung ing pulo Honshu, ing lambé kali Yodo ing Lempongan Osaka. Osaka yaiku kutha gedhé dhéwé ing kawasan Keihanshin minangka pusat indhustri lan pelabuhan kanggo laladan metropolitan Osaka-Kobe-Kyoto. Ing sisih wétan, Osaka duwé tangga Kyoto lan Nara, lan ing sisih kulon karo kutha Kobe.

Kanggé kagunan sanès saking ', mangga mriksani [[]].

Keihanshin yaiku wewengkon metropolitan kang duwé pendhudhuk paling akèh nomer loro ing Jepang, lan salah siji wewengkon metropolitan paling akèh ing dunya kanthi jumlah pendhudhuk sakiwa-tengené 18 juta,^[1] lan wewengkon metropolitan gedhé dhéwé nomer loro ing Jepang adhadhasar PDB lan wewengkon metropolitan gedhé dhéwé nomer pitu ing dunya.

Osaka yaiku metropolis banyu kang dikenal kanthi kali-kaliné lan cacahing kreteg paling akèh ing Jepang. Ana 2 pusat kutha ing Osaka, yaiku Umeda ing sisih lor lan Namba ing sisih kidul. Sakloron pusaté kutha iki dihubungaké déning dalan utama kang jenengé Midosuji. Kantor-kantor perdagangan, bank, lan konglomerat Jepang lumrahé duwé pusat ing kiwa-tengené dalan Midosuji. Dalan Midosuji dikenal kanthi tetingalané godhong-godhong wit ginkgo kang nguning ing mangsa gogrog.