Lasithium (nomus Graeciae)

Lasithium fuit usque ad annum 2010 una e quattuor praefecturis (sive nomis) regionis (περιφέρεια) Cretae, cuius caput erat urbs Sanctus Nicolaus. Reformatione administrativa anni 2010 (vide: Libellus Callicratis) praefecturae iura ad regionem Cretam et ad quattuor demos, qui coagmentatione pristinorum demorum exstiterunt, delata sunt. Territorium praefecturae nomine "Regionali Lasithii Unitate" permanet, quae sex legatos in consilium regionale mittit, praeterea autem vi politica caret.