Moltras
Moltras (nom ufizial in italian: Moltrasio) l'è on comun de la Provincia de Còmm che 'l cunta 1 607 abitant (dato del Desember 2015[1]), cont ona superfiss de 8,9 km² e ona densità de 181 ab./km².
El paes l'è situaa in sul Lagh de Còmm, al confin cont el Canton Tisin (comun de Brencia).
| Moltras Comun | |||||
|---|---|---|---|---|---|
| |||||
 | |||||
| Dats aministrativ | |||||
| Stat | Itàlia | ||||
| Rejon | Lombardia | ||||
| Provinça | Provincia de Còmm | ||||
| Capolœg | Borgo | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 45°51′37.8″N 9°05′49.92″E / 45.8605°N 9.0972°E | ||||
| OSM | 46344 | ||||
| Voltituden | 247 m s.l.m | ||||
| Superfix | 8,9 km² | ||||
| Abitants | 1 509 ab. (1º genar 2023) | ||||
| Densitaa | 169.55 ab./km² | ||||
| Confin | Biev, Caraa, Schignan, Cernobi, Torn, Brencia e Canton Tisin | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 031 | ||||
| Codex postal | 22010 | ||||
| Sigla autom. | CO | ||||
| Codex ISTAT | 013152 | ||||
| Codex catastal | F305 | ||||
| Sant protetor | San Martin | ||||
| Cl. climatega | |||||
| Cl. sismega | |||||
| Localizazion | |||||
.svg) | |||||
| Sit istituzional | |||||
Origin del nòmm
ModifegaMoltras el ven del Comasch mòlta, che 'l voeur dì "malta". De fatt i abitant del loeugh ciamaven inscì i important stratificazion geològich che anca al dì d'ncoeu seguten a colpì l'oeugg. A partì del XI secol, in la region el ven traa foeura del material de costruzion che l'è ciamaa "ol sass da Moltras". La terminazion -as l'indica la funzion che l'era dada a on strument ò a on loeugh: varda anca fornas e Menas (sitt indove se menen i tronch d'alber per la flottazion successiva in sul Lagh de Còmm)[2]
Stòria
ModifegaSul territòri de Moltras hinn staa faa di retrovament archeològich: on segurin de ramm de circa 2000-25000 ann fa, on paviment roman a mosaich e on quaj alter oggett.
In del 1292 el paes l'ha ciapaa el titol de borgh e in del 1405 la cittadinanza comasca, che la portava vari privilesg ai abitant.
In del 1522 l'ha subii on sacchegg de part de la rival Torn e l'è staa colpida durament de la pesta del 1630.
Duranta la Segonda Guerra Mondial, i montagn de Moltras hann vist l'azion di partisan de la Brigada Garibaldi.
Evoluzion demografega
ModifegaL'andament del numer de abitant del comun de Moltras l'è mustraa in de la tabela chi de sota
Abitant censud
Personagg illuster
ModifegaMoltras l'è famosa perchè gh'hinn passaa on mucc de persònn important. Tra de lor pòdom cuntà el Vincenzo Bellini, el Clemente Rebora, el Virgilio Ranzato e 'l Delio Tessa. Inoltra de on quaj ann ghe viv el ghitarrista del grupp ingles di Muse, el Matthew Bellamy.
Riferiment
Modifega- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
- ↑ cfr: Ottavio Lurati, Toponymie et géologie, in Quaderni di semantica, ann XXIX, numer 2, dicember 2008, 441.