Hari Ibu

Hari Ibu adolah hari besar nan tujuannyo untuak mamparingati juo manyebaran pasan positif tentang perempuan, keberdayaan juo ucapan tarimo kasih kapado ibu jo parampuan ateh perannyo di keluarga, masyarakat, jo lingkungan. Hari ibu ko diparingati satiok tangga 22 Desember di Indonesia. ^[1] Samantaro di Amerika jo nagara lainnyo, sarupo Australia, Kanada, Jerman, Italia, Jepang, Belanda, Malaysia, Singapura, Taiwan, jo Hong Kong, hari ibu atau Mothers Day dirayoan pado minggu kaduo bulan Mei.

Di Indonesia, hari ibu ditatapan sajak pemerintahan Presiden Soekarno. Panatapan tanggal 22 Desember ko maacu pado palaksanaan Kongres Perempuan Indonesia I nan diadoan pado tangga 22-25 Desember 1928, hanyo babarapo pakan lapeh diadoannyo Kongres Pemuda II nan maahasiaan Sumpah Pemuda. Dikutip dari buku Biografi Tokoh Kongres Perempuan Indonesia Pertama (1991) nan ditulih dek Suratmin jo Sri Sutjiatiningsih, kongres ko dilangsungan di Yogyakarta, tapeknyo di Ndalem Joyodipuran. Kini ko, gedung itu digunoan sabagai Kantor Balai Pelestarian Sejarah jo Nilai Tradisional nan talatak di Jalan Brigjen Katamso, Yogyakarta. Kongres Perempuan Indonesia I ko balangsuang pado maso pamarintahan kolonial Hindia Belanda itu diikuti labiah kurang 600 perempuan dari puluhan perhimpunan wanita. Mereka barasa dari babagai macam latar belakang suku, agama, pekerjaan, jo umua.

1. ↑ Raditya, Iswara N. "Sejarah Hari Ibu di Indonesia: Mengapa Tanggal 22 Desember?". tirto.id (dalam bahasa Indonesia). Diakses tanggal 2022-03-06.