James Patrick Allison

Allison is in Alice, Texas, upwussen. He kreeg an de University of Texas at Austin en Bachelor in Mikrobiologie un 1973 mit de Arbeit Studies on bacterial asparaginases: isolation and characterization of a tumor inhibitory asparaginase from Alcaligenes eutrophus – Insolubilization of L-asparaginase by covalent attachment to nylon tubing^[1] sien Doktertitel Ph.D. in Biowetenschapen.

As Postdoktorand hett he an dat Scripps Research Institute arbeit, bevör he en eerste Professur an dat Forschungszentrum van dat University of Texas M. D. Anderson Cancer Center in Smithville, Texas, kreeg. Nah acht Johren is Allison as Perfesser för Immunologie un Baas van de Krebsforschung an de University of California, Berkeley wesselt.

2004 gung Allison an dat Memorial Sloan-Kettering Cancer Center nah Manhattan, New York City. 2011 wurr he dor Baas van dat Ludwig Institute for Cancer Research. Bit dorhen weer he dor siet 2006 Co-Direkter ween. Sien Tätigkeit in New York van 2004 bit 2012 wurr van dat Howard Hughes Medical Institute (HHMI) fördert.^[2]

2012 is Allison as Baas van de Immunologie an dat University of Texas MD Anderson Cancer Center in Houston, Texas, wesselt

Allison is siet 1969 verheiradt un hett een Söhn.

To de Forschungsleistungen van Allison tellen neben dat Opdecken van den T-Zell-Rezeptor ok dat Opdecken, dat T-Zellen neben de Binnen an en Antigen en tweet Signal bruuken, um en Immunantwort to starten: En Molekül mit de Naam B7 up de antigenpräsenteerenden Zelle moot dat CD28 up de T-Zelle aktiveeren.

1995 hemm Allison un Mitarbeiter dat CTLA-4 opdeckt, en Protein, da de Abschwächung van dat Immunsystem dör Regulatorische T-Zellen vermittelt. Neben de Mögelkkeit, dör Aktiveeren van dat CTLA-4 Autoimmunerkrankungen swaaker to maaken, hett Allison interesseert – mitbedingt wohl dör en grötter Uptreeden van Krebserkrankungen in sien Familie – vör allen de Mögelkeit, dör Blockaad van dat CTLA4 dat Immunsystem in sien Kamp gegen Krebszellen to stärken. Insbesünnere würr en Medikament gegen CTLA4 dat Immunsystem gegen all Oorten van Krebs stärken – wiels de meesten Formen van de Krebsimmuntherapie blots gegen en bestimmten Tumor wirksam üind. De monoklonale Antikörper Ipilimumab (Hannelsnaam Yervoy) wurr nah langjohrig Studien in den USA as Medikament to de Behandlung van dat metastaseerte maligne Melanom tolaaten. Wiedere Studien mit annner Krebsoorten mit dat Middel wurrn dörführt.

Anreegt dör den Ansatz van Allison, dat Immunsystem dör Antikörper gegen natürliche Modulatoren to beinflooten, sünd weltwiet wiedere Krebsmedikamente in de Entwicklung.

Aktuelle Arbeiten van Allison befaaten sück mit de Modulatschoon van dat Immunsystem dör Manipulatschoon an de verscheeden Mediatoren, as ok mit de Kombinatschoon van disse Verfohren mit de klassisch Chemotherapie.

Allison hettt (Stand Oktober 2018) en h-Index van 121.^[3] Siet 2016 tell hüm Thomson Reuters wegen de Antall van sien Ziteeren to de Favoriten up en Nobelpries (Thomson Reuters Citation Laureates). Web of Science Predicts 2016 Nobel Prize Winners, ipscience.thomsonreuters.com, engelsch, van’n 21. September 2016, afropen an den sülvigen Dag.</ref> 2018 kreeg Allison tosommen mit Tasuku Honjo den Nobelpries in Medizin un Physiologie för sien Forschungen to en Krebstherapie dör Hemmung van de negative Immunregulatschoon.

• 1997 Liddmaat van de National Academy of Sciences
• 2001 Präsident van de American Association of Immunologists
• 2005 William B. Coley Award
• 2006 Fellow van de American Association for the Advancement of Science
• 2007 Liddmaat van dat Institute of Medicine
• 2011 Gabbay Award
• 2014 Breakthrough Prize in Life Sciences
• 2014 Canada Gairdner International Award
• 2014 Tang Prize för Biopharmazeutische Forschung
• 2014 Massry-Preis
• 2014 Louisa-Gross-Horwitz-Pries
• 2014 Harvey-Pries
• 2014 Szent-Györgyi Prize
• 2015 ASCO Science of Oncology Award^[4]
• 2015 Paul-Ehrlich-und-Ludwig-Darmstaedter-Pries (mit Carl H. June)
• 2015 Passano Award
• 2015 Lasker~DeBakey Clinical Medical Research Award
• 2017 Wolf Prize in Medizin
• 2017 Liddmaat van de American Academy of Arts and Sciences^[5]
• 2017 Warren Alpert Foundation Prize
• 2017 Balzan-Preis för Immunologische Ansätze in de Krebstherapie
• 2018 King Faisal International Prize in Medizin
• 2018 Jessie Stevenson Kovalenko Medal
• 2018 Dr. Paul Janssen Award for Biomedical Research
• 2018 Albany Medical Center Prize
• 2018 Nobelpries för Physiologie oder Medizin (mit Tasuku Honjo)

• Cancer Pioneer James Allison Leads MD Anderson Immunotherapy Efforts bi dat University of Texas M. D. Anderson Cancer Center (mdanderson.org)
• Dr. James P. Allison bi de University of Texas Graduate School of Biomedical Sciences at Houston (uth.edu)
• Wallace Ravven: Hiding in Plain Sight – A scientist trains the immune system to recognize and attack cancer. University of California, Berkeley (berkeley.edu)
• Tumorbehandlung – Ein Texaner bändigt den Krebs up Zeit Online

1. ↑ Studies on bacterial asparaginases: isolation and characterization of a tumor inhibitory asparaginase from Alcaligenes eutrophus – Insolubilization of L-asparaginase by covalent attachment to nylon tubing bi WorldCat (worldcat.org); afropen an’n 19. Dezember 2013
2. ↑ James P. Allison, PhD bi dat Howard Hughes Medical Institute (hhmi.org); afropen an’n 19. Dezember 2013
3. ↑ [1] James Allison – Google Scholar Citations, scholar.google.de, afropen an’n 29. Oktober 2018}}
4. ↑ https://am.asco.org/dr-james-p-allison-honored-science-oncology-award
5. ↑ Vörlaag:Amacad