Echte Kamelhalsflegen
| Echte Kamelhalsflegen | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Systematik | ||||||||||||||||
| ||||||||||||||||
| Wetenschoplich Naam | ||||||||||||||||
| Raphidiidae | ||||||||||||||||
De Echten Kamelhalsflegen (Raphidiidae) sünd en Familie mank de Fleeginsekten. Se höört to de Ornen vun de Kamelhalsflegen (Raphidioptera).
Kennteken
Düsse Fleeginsekten hefft en dunkel Lief mit en langen Hals, de upfallen deit. De Kopp hett de Form vun en Ei un is an de Vörkant wat breeder. Dor sitt dannige Keven mit allerhand Tähne an. De Flunken weert man selten bruukt un weert in Roh over'n Kopp tohopenfoolt as'n Dack. Seken hefft en groot Leggrohr (Ovipositor) un sünd jummers en beten grötter, as Heken. Dat Lief is 0,6 bit 28 Millimeters lang.
Verschelen
De Echten Kamelhalsflegen sünd de gröttere vun de beiden Familien mank de Kamelhalsflegen. Dor tellt um un bi 190 Aarden to. De annere Familie sünd de Inocelliidae mit um un bi 30 Aarden.[1] Düsse Familien verscheelt sik in den Bo vun den Kopp. Bi de Aarden ut de Familie Inocelliidae gifft dat keen Lüttogen (Ocelli), anners as bi de Echten Kamelhalsflegen.
Wie se leven doot
Freten doot de Echten Kamelhalsflegen sunnerlich Larven vun Kävers un annere Insekten. De riet se mit ehre scharpen Tähne ut'neen. Se freet bloß man Fleesch un keen Planten.
Wie se sik vermehrt
De Eier weert in Boombast afleggt. Wenn de Budden utkrapen sünd, hefft se en lang Lief un leevt unner lösige Barken un Blattstreih. De Budden vertehrt datsülvige Freten, as de Olen. Se bruukt Kulle, wenn se sik verpoppen wüllt.
Wo se vorkamen doot
Düsse Familie kummt up de Noordhalfkogel allerwegens vor, wo dat Planten gifft.
Geslechter
De Familie van de Echten Kamelhalsflegen ümfaat düsse Geslechter:
- Africoraphidia
- Agulla
- Alena
- Atlantoraphidia
- Calabroraphidia
- Dichrostigma
- Harraphidia
- Hispanoraphidia
- Iranoraphidia
- Italoraphidia
- Mauroraphidia
- Mongoloraphidia
- Ohmella
- Ornatoraphidia
- Parvoraphidia
- Phaeostigma
- Puncha
- Raphidia
- Subilla
- Tadshikoraphidia
- Tauroraphidia
- Tjederiraphidia
- Turcoraphidia
- Ulrike
- Venustoraphidia
- Xanthostigma