La version imprimibla es pas mai presa en carga e pòt conténer d’errors de generacion. Volgatz metre a jorn vòstre marcapagina de navegador e utilizar la foncion d’impression per defaut del navegador a la plaça.
Lo departament de la Nauta Garona (var. Hauta Garona o Auta Garona) es una division adminstrativa de l’estat francés situat dins la region administrativa d'Occitània. Se parteja entre las regions istoricas de Gasconha a l'oèst e de Lengadòc a l’èst.
Del temps de la Revolucion francesa, l’administracion de las Pòstas li donèt lo numèro 30 que se gardèt al long del sègle XIX. Al sègle XX recebèt lo numèro 31 (còdi oficial geografic en 1943, immatriculacion dels veïculs en 1950, còdi postal en 1964).
Geografia
Istòria
Lo departament de Tolosa es creat en genièr de 1790 e reçaup qualques setmanas après lo nom de Nauta Garona.
En 1808, pèrd l'arrondiment dels Sarrasins qu'es utilizat amb de bocins d'Avairon, Òlt, Gèrs, Òlt e Garona per crear lo Tarn e Garona.