Juan Velasco Alvarado

Juan Francisco Velasco Alvarado sutiyuq runaqa ( * 16 ñiqin inti raymi killapi 1909 watapi paqarisqa Piwra llaqtapi - † 24 ñiqin qhapaq raymi killapi 1977 watapi wañusqa Lima llaqtapi) huk piruwanu awqaq pusaqmi, kawpaqpas karqan.

Juan Velasco Alvarado
Piruw Umalliq
3 ñiqin kantaray killapi 1968 watapi – 29 ñiqin chakra yapuy killapi 1975 watapi
Ñawpaqnin kaq:	Fernando Belaúnde Terry
Qhipaqnin kaq:	Francisco Morales Bermúdez
Paqarisqa	16 ñiqin inti raymi killapi 1909 watapi Piruw, Piwra
Wañusqa	24 ñiqin qhapaq raymi killapi 1977 watapi Piruw, Lima Lima suyu
Taytan	Juan Francisco Velasco Gallo
Maman	Clara Luz Alvarado
Warmin	Consuelo Gonzáles Posada
Pruphisyun	Awqaq pusaq
Yachay sunturnin	Chorrillos Allpa awqaq suyu Yachay wasi
Iñiynin	kathuliku

3 ñiqin kantaray killapi 1968 p'unchawpis huk awqaq pusaqkunawan Fernando Belaúnde Terry sutiyuq Piruwpa umalliqninta wamink'a maqaypi kamachinamanta qarqurqan. Allpa wira ruruchina, huk hatun ruruchinakunatam llaqtarirqan. Hatun chakra kamay allinchayta qallarispa patrunkunata hatun asindakunamantam qarqurqan allpakunata chakra runaman, indihina runakunamanpas quykuspa. 1975 watapi qhichwa simita Piruwpa huk tukri siminman rurarqan.

Ancha unqusqaña katinmi, 29 ñiqin chakra yapuy killapi 1975 p'unchawpi Francisco Morales Bermúdez Cerruti sutiyuq hiniralmi Velascota kamachinamanta qarqurqan. Iskay watamantam Velascoqa wañurqan.

Kastilla runakuna witiskiyaptin, paykunapa yawarnin apaqkuna charikuyaran chakrakunata, niyaran 'asinda' (allpa k'iti nisunpaq). Chaychu llank'aqkunata allichu rikayaran; chay hanan 1930 watamanta, niyaran tikrasun.Chaynupan kasqa Musuq chakra kachiy, apusimin yarqamuran 24 punchawpi, suqtañiqin killapi 1969 watapi.

Achka mamallaqtakunawan Piruw willanakuyta qallarirqan. Sutin rantin churaran kachaykunata, Piruwpa allinta rikunanpaq.27.05. 1975 watapi, sinchi apusími 21156-wan nirqan Kastilla simiwan paqta Runa simi , kamayuq simi kachun, Mama llaqta Piruwpi.