Oti : Tofauti kati ya masahihisho

'''Oti''' (kutoka [[Kiing.]] "oats") <ref>Kamusi ya [[TUKI-ESD]] inataja "oats" kuwa "shayiri"; lakini shayiri ni "barley" jinsi inavyoonekana katika asili ya [[Kiarabu]] ya shayiri = '''شعير''' ambayo ni "barley"; linganisha pia kamusi za [[M-J SSE]] na [[Velten]] zinazotaja shayiri kuwa "barley / Gerste". "Oat" kwa Kiarabu ni شوفان ''shufan'' lakini haikuingia katika Kiswahili kwa sababu nafaka haistawi katika mazingira ya joto. <br /> Kamusi ya Kijerumani-Kiswahili ya [[Legere]] inatumia "oti" (Hafer). Labda asili ya kosa upande wa TUKI ni maelezo katika [[KKK/ESD]]: "oats - nafaka kama shayiri" </ref> ni mmea wa familia ya [[nyasi|manyasi]] katika ngeli ya [[monokotiledoni]]. [[Mbegu]] au [[punje]] za oti ni [[nafaka]] ambayo ni [[chakula]] cha wanyama na pia cha watu katika nchi hasa za Ulaya na pia penginepo nje ya kanda ya tropiki. Tofauti na nafaka nyingi punje zake hazikai pamoja katika mshikano lakini ua lake linafanana zaidi na [[mpunga]] lakini mbegu ni tofauti kabisa.

Kihistoria ilikuwa chakula muhimu cha watu wa nchi za kaskazini kwa sababu inavumilia hali ya hewa baridi kiasi na mvua nyingi tofauti na [[ngano]]. Waroma waliona [[Wagermanik]] wa Kale walikula hasa oti; kwenye kisiwa cha [[Britania]] [[Uskoti|Waskoti]] hupenda oti lakini [[Uingereza|Waingereza]] hulisha nafaka hii kwa wanyama hasa [[farasi]]. Kupunguka kwa farasi kama wanyama wa kazi kwenye kilimo kumemaaanisha pia kurudi nyuma kwa kilimo cha oti.