Miss Universe 1981

Noong 1980, nagpahayag ng pag-asa ang Miss Universe Inc. na maaaring maganap ang kompetisyon sa Taywan, ngunit walang negosasyon ang naganap.^[12] Noong 19 Enero 1981, inanunsyo ng Guwatemala na may balak itong idaos ang Miss Universe pageant.^[13] Gayunpaman, hindi natuloy ang mga negosasyon dahil sa mga dahilang pang-ekonomiko. Balak rin idaos sa Buenos Aires, Arhentina ang kompetisyon, ngunit hindi rin nagpatuloy ang mga negosasyon dahil sa kilmang pampulitika ng bansa.^[14]

Noong 7 Abril 1981, inanusyo ng Deputy Mayor for Economic Development ng New York na si Karen Gerard, na gaganapin ang kompetisyon sa Lungsod ng New York, New York sa Estados Unidos sa 20 Hulyo 1981.^[15] Ito rin ang unang edisyon na ginanap sa Estados Unidos matapos ang sampung taon na ginanap ang kompetisyon sa iba't-ibang mga bansa sa mundo.^[16]

Ang mga kalahok mula sa 76 na mga bansa at teritoryo ay napili upang lumahok sa kompetisyon. Isang kandidata ang nailuklok upang kumatawan sa kaniyang bansa/teritoryo matapos ang pag-urong ng orihinal na kalahok.

Iniluklok ang runner-up ng Miss Hong Kong 1981 na si Irene Lo upang kumatawan sa kaniyang bansa matapos mapatalsik sa pwesto ang orihinal na nagwagi na si Doris Loh dahil pinalsipika nito ang kaniyang edad. Binago ni Loh ang kaniyang edad na 25 sa 22 sa kaniyang pasaporte upang makapasok pa rin sa age requirement.^[17][18]

Unang sumali sa edisyong ito ang mga bansang Hibraltar, Kanlurang Samoa, at Namibya, at bumalik ang mga bansang Martinika, Pidyi, Portugal, San Cristobal, Timog Aprika, Transkei, at Tsipre. Huling sumali noong 1957 ang Martinika, noong 1974 ang Tsipre, at noong 1979 ang Pidyi, Portugal, San Cristobal, Timog Aprika, at Transkei.

Hindi sumali ang mga bansang Indonesya, Papuwa Bagong Guniya, at Sint Maarten sa edisyong ito. Hindi sumali si Rosje Soeratman ng Indonesya matapos maging biktima ng isang aksidente. Hindi sumali si Jennifer Abaijah ng Papuwa Bagong Guniya dahil pinili nito na sumali na lang sa Miss World 1981. Hindi sumali ang Sint Maarten matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.

Dapat sanang kakalahok si Carole Fitzgerald ng Mawrisyo, subalit bumitiw ito dahil ito ay nangungulila na sa kaniyang pamilya.^[19][20] Hindi sumali si Joan Boldewijn ng Suriname dahil pinili na lang nito na sumali sa Miss World 1981. Hindi sumali si Marcia-Ann Morris ng San Vicente at ang Granadinas dahil sa hindi isiniwalat na dahilan.^[21]

Tulad noong 1971, 12 mga semifinalist ang napili sa pamamagitan ng paunang kompetisyon at ang mga closed-door interview.^[25] Kumalahok sa swimsuit competition at evening gown competition ang 12 mga semifinalist, at kalaunan ay napili ang limang pinalista na sumabak sa final interview.

• Sammy Cahn – Amerikanong liriko at manunulat ng kanta
• Chang Kang-jae – Tagapangulo ng Hankook Ilbo-Korea Times Group
• Pelé – Brasilenyong manlalaro ng putbol^[26]
• Julio Iglesias – Kastilang mangaawit at manlalaro ng putbol^[26]
• Itzik Kol – Israeling producer para sa telebisyon at pelikula
• Lee Majors – Amerikanong aktor^[27]
• Mary McFadden– Amerikanong taga-disenyo, patnugot at manunulat
• David Merrick – Amerikanong producer para sa teatro
• Anna Moffo – Amerikanong aktres at opera singer^[26]
• LeRoy Neiman – Amerikanong pintor
• Lorin Netherlandser –
• Francesco Scavullo – Amerikanong litratista^[28]
• Corinna Tsopei – Miss Universe 1964 mula sa Gresya

76 na kandidata ang lumahok para sa titulo.^[29]

• Opisyal na website