ការប្រកួតជម្រើសជើងឯកលីគកំពូលកម្ពុជា Cambodian Premier League រដូវកាល ២០២៤-២៥ នឹងចាប់ផ្តើមពីថ្ងៃទី១០ ខែសីហា ឆ្នាំ២០២៤ រហូតដល់ថ្ងៃទី១១ ខែឧសភា ឆ្នាំ២០២៥។ នេះបើយោងតាមការបង្ហាញរបស់ក្រុមលីគកំពូលកម្ពុជា ក្នុងកិច្ចប្រជុំស្តីអំពី ពិនិត្យអំពីកាលវិភាគប្រកួត និងការធ្វើបទបង្ហាញសង្ខេបស្តីអំពីបទបញ្ជាការប្រកួត សម្រាប់រដូវកាលថ្មី ដែលបានធ្វើឡើងនៅថ្ងៃទី០៨ ខែកក្កដា ឆ���នាំ២០២៤នេះ។
រំលឹកថា សម្រាប់រដូវកាលថ្មីនេះ សមាសភាពក្លិបចំនួន២ ដែលត្រូវបានដំឡើងពីលីគ២ ទៅកាន់លីគកំពូលកម្ពុជា សម្រាប់រដូវកាល ២០២៤-២៥ គឺសមាគមកីឡាបាល់ទាត់ក្រសួងមហាផ្ទៃ និងក្លិបបាល់ទាត់ ឡាយហ្វ ខេត្តព្រះសីហនុ។
ដូច្នេះសមាសភាពក្លិបបាល់ទាត់នៅលីគកំពូលកម្ពុជា កើនដល់១១ រដូវកាល ២០២៤-២៥៖ វិសាខា, ព្រះខ័នរាជ, ស្វាយរៀង, ភ្នំពេញក្រោន, ណាហ្គាវើលដ៍, ក្រសួងមហាផ្ទៃ, Tiffy Army, Life FC, គិរីវង់សុខសែនជ័យ, ISI, ដង្កោសែនជ័យ, បឹងកេត, អង្គរថាយហ្គឺរ។
ក្រុមបាល់ទាត់ព្រះខ័នរាជស្វាយរៀង បានក្លាយជាម្ចាស់ជើងឯកពានរង្វាន់លីគកំពូលកម្ពុជា Cambodian Premier League 2023-24 ក្រោយប្រកួតវិលជុំសន្សំពិន្ទុចំនួន៣ជុំ និងបន្តប្រកួត Top 4 មាន៧៦ពិន្ទុច្រើនជាងក្រុមទាំង៩ផ្សេងទៀត។ ព្រះខ័នរាជស្វាយរៀង ក៏ជាម្ចាស់ជើងឯកពានរង្វាន់សម្តេចតេជោ ហ៊ុន សែន លើកទី១៧ 2023-24 Hun Sen Cup៕
