Fridays for Future

Fridays for Future

(2019)
Dati
Nome scursà	FFF, F4F e FfF
Sorte	movimento sociałe progetto (it)
Fini	mitigazione dei cambiamenti climatici (it) e protesion anbientałe
Ideołozìa pułìtega	pułìtega verda ecołozismo
Istoria
Creasion	20 de agosto del 2018
Fondador	Greta Thunberg
Formà da	Fridays for Future Sweden (en) Fridays for Future Germany (en) Fridays for Future Russia (en) Fridays for Future Ukraine (en)
Altri
Premi (7 de zugno del 2019)  Ambassador of Conscience Award (en)
Sito web	fridaysforfuture.org

Fridays for Future (letaralmente: "vènare par el futuro"), conosesto anca cofà che siòpero scołastego par el clima (in svedezo: Skolstrejk för klimatet)^{[Fonte nesesària]}

, Youth for Climate'^[1] o School Strike 4 Climate^[2], el ze un movimento anbientałista internasionałe de protesta, conponesto da scołari che i decide de no frecuentare łe lesion scołàsteghe par partesipar a manifestasion inte łe cuałe se dimanda e revéndega asion col fin de prevenire el scaldamento globałe e el canbiamento climàtego.^[3] Ła protesta ła ze partia e ła ga tacà èsar organizada dopo ła manifestasion in solteria de Greta Thunberg inte el Agosto del 2018 davanti al Riksdag svedezo (parlamento), co un carteło co sora scrito "Skolstrejk för klimatet " ("School strike for climate").^[4][5]

Inte el 2015, un grupo indipendente de studenti el ga invità i studenti de tuto el mondo a saltar ła scoła el primo dì de ła COP 21, ła Conferensa sul clima de l'UNFCCC. El 30 de novenbre, el primo dì de ła Confarensa sul clima a Parize, un siòparo el ze sta organizà in pì de 100 paezi, ciapando pì de 50 000 manifestanti. El movimento el se consentrava su racuante dimande: 100% de Enerzia sostegnìbiłe e dòparo de fonti renovàbiłi.

L'organizasion de łe proteste e del movimento ła ze ła tacada co ła svedeza Greta Thunberg ła ga organizà tuti i dì del meze de agosto del 2018 na protesta sentàndose fora del parlamento svedezo, co un carteło che recitava "Skolstrejk för klimatet" (Siòparo scołàstego par el clima)^[6][7][8]. La so decizion ła naseva da łe ondae de całor anòmałe e dei insendi s-copiai in Svèsia^[9] e ła dimandava al goerno svedeze de sbasar łe emision de anidride carbònega in baze a l'Acordo de Parize.^[10]. El 7 setenbre, poco prima de łe elesion, ła ghea anunsà che ła saria ndada vanti manifestar ogni vènare fin co che ła Svèsia no ła se fuse inlineada co l'acordo de Parize. El so slogan Fridays For Future el ga caturà l'atension de tuto el mondo, ispirando i scołari de łe scole dei vari stati a sioparare par el clima^[11].

Ispirai da Greta Thunberg, grandi siòpari scołàsteghi i se ga tegnesto inte el novenbre 2018. In Austràlia in miliaia de scołari de Brisbane, Melbourne e altre sità, sevendo l'ezénpio de Greta Thunberg, i ghea manifestà el vènare, ignorando ła dimanda del Primo Ministro Scott Morison, el cuało el gaveva declarà in Parlamento de vołer "pì aprendimento inte łe scołe e manco ativismo"^[12]. In disenbre i siòpari scołareschi i ze sevitai in almanco 270 sità^[11], de paezi cofà che Austràlia, Austria, Belzo, Itàlia, Cànada^[13], Paezi Basi, Zermània, Finlàndia, Danemarca, Japon, Svìsara^[14],, Regno Unio e i Stati Unii.

El 15 de marso 2019 inte un mùcio de sità inte el mondo ghe ze stada na manifestasion pasìfega che ła ga coinvolzesto pì de un milion de zóvani che i ga marsà par protestar contra a l'indifarensa dei goerni so ła crize climàtega. Intrà ste New York, Borseła, Sydney, Barsełona, Berlin, Parize, Mosca, Miłan e tante altre sità. .

El 24 de majo 2019 ghe ze stae manifestasion in 1664 sità in almanco 125 paezi.^[15][16]

Novo siòparo inte el 27 de setenbre 2019, co l'intentar de espànderse al de là de ła partesipasion zovaniłe, slargàndose ai lavoratori.i^[17] Sta manifestasion ła ze stada precedesta da na stimana de asion globale partindo dal 20 setenbre del 2019 (ła cusita-ciamada Climate Action Week).^[18]

El numero totale de persone manifestanti in tuto el mondo inte łe do date prinsipali de ła Climate Action Week, el 20/9/2019 e el 27/09/2019, ła ze de sirca 7 600 000 persone.^[19]

Inte ła primavera del 2020 se ga tegnesto el 5° siòpero scołàstego par el clima: par colpa de l'emerzensa sanitària ligada al Coronavirus, l'inisiativa ła se ga vesto intieramente online col nome de "Digital Strike".^[20]

El 19 de marso 2021 ghe ze sta na asion del movimento Friday for Future in vàrie sità del mondo.^[21]