काठमाडौं। डेभिड शङ्कर र बेनिशा पौडेलको स्वरमा रहेको नयाँ गीत ‘जुनकिरी’ सार्वजनिक भएको छ। यो गीतमा युवकले युवतीको आँखाको सौन्दर्यको चर्चा गरेका छन् भने युवतीले आफ्नो स्वभाव र सौन्दर्यलाई वर्णन गरेकी छन्। गीतमा दीपक शर्माको सङ्गीत र शब्द रहेको छ।
‘जुनकिरी’ गीतको भिडियोलाई ख्यातिप्राप्त निर्देशक प्रकाश भट्टले निर्देशन गरेका छन्। भिडियोमा भारतीय अभिनेत्री श्वेता ��हरा र नेपाली अभिनेता कुन्साङ बोम्जनले मुख्य भूमिका निभाएका छन्। निर्देशक भट्ट र अभिनेत्री महराको यो दोस्रो सहकार्य हो। यसअघि, उनीहरूले नेपाली अभिनेता नाजिर हुसेनको साथमा कुमाउँ शैलीको गीत ‘फूल हजुरी’को म्युजिक भिडियोमा पनि एकसाथ काम गरेका थिए।
गीतको छायाङ्कन करण चैसिर र उनको टिमले गरेका छन् भने भिडियोको सम्पादन र रङ संयोजन टेकेन्द्र शाहले गरेका छन्। भिडियोमा सियोन श्रेष्ठको कोरियोग्राफी रहेको छ।
भिडियो: