Google Gemini
  | |
.jpg) | |
| Khai-hoat | Google AI |
|---|---|
| Goân-chho͘ pán-pún | 2023 nî 3 goe̍h 21 ji̍t |
| Ún-tēng pán-pún |
2023.07.13
/ 2023 nî 7 goe̍h 13 ji̍t |
| Chi-ōan |
46 languages[1] 238 countries[1] |
| Lūi-hêng | Chatbot |
| Siū-koân | Proprietary[2] |
| Bāng-chām |
gemini |
Gemini sī iû Google khai-hoat ê seⁿ-sêng-sek jîn-kang tì-lêng khai-káng ke-khì-lâng, chi̍t khai-sí sī kin-kì tōa-hêng gí-giân bô͘-hêng LaMDA hē-lia̍t, bóe-á sī kin-kì PaLM2. Bard sī ūi-tio̍h beh èng-tùi OpenAI kong-si khai-hoat ê ChatGPT khai-káng ke-khì-lâng heng-khí só͘ khai-hoat--ê. Tī 2023 nî 3 goe̍h í iú-hān ê kui-bô͘ thui-chhut, 2023 nî 5 goe̍h khok-tián kàu koh-khah chē kok-ka.
Bard tī 2023 nî 2 goe̍h chhe 6 hoat-piáu, tī 2023 nî 3 goe̍h 21 thui-chhut. Tē-it phoe khai-hòng Bí-kok kap Eng-kok ê iōng-hō͘ sin-chhéng ka-ji̍p tán-thāi miâ-toaⁿ. Bard ê tē-it ê pán-pún sī sú-iōng Google kong-si tī 2021 nî hoat-piáu ê LaMDA tōa-hêng gí-giân bô͘-hêng khai-hoat--ê. 2023 nî 4 goe̍h 10 hō, kái ēng koh-khah kiông-tāi ê PaLM tōa-hêng gí-giân bô͘-hêng, lâi cheng-kiông i-ê ūn-soàn lêng-le̍k, hām GhatGPT lâi kèng-cheng. 2023 nî 5 goe̍h 10 hō, PaLM pī chìn chi̍t pō͘ keng-sin chò PaLM2. Hit-pái ê keng-sin si̍t-hiān liáu to-gí-giân hoan-e̍k kap cheng-kiông ê lô-chi̍p thui-lí lêng-le̍k. Tī hit kang kí-hêng ê Google khai-hoat-chiá tāi-hōe Google I/O 2023 siōng, soan-pò͘ cheng-ka tùi Ji̍t-gí kap Hân-gí ê chi-oān, chhú-siau tán-thāi miâ-toaⁿ, mā thang tī koh-khah chē kok-ka sú-iōng. 2023 nî 7 goe̍h 13, Bard khai-sí chi-oān Hôa-gí.
Chù-kái
[siu-kái | kái goân-sí-bé]- ↑ 1.0 1.1 "Where you can use Bard". Google Support. goân-loē-iông tī May 12, 2023 hőng khó͘-pih. July 13, 2023 khòaⁿ--ê.
- ↑ David, Emilia (July 20, 2023). "The AI wars might have an armistice deal sooner than expected". The Verge]. goân-loē-iông tī July 20, 2023 hőng khó͘-pih. July 25, 2023 khòaⁿ--ê.