Вікісховішча:Дазор

Shortcut: COM:PATROL

Гэтая старонка лічыцца афіцыйным правілам Вікісховішча.

Яна адлюстроўвае стандарты ці паводзіны, зь якімі прынцыпова пагаджаюцца і ў цэлым выконваюць большасьць рэдактараў. Пры неабходнасьці сьмела абнаўляйце старонку, аднак дзеля ўнясеньня значных зьмяненьняў карыстайцеся, калі ласка, старонкай абмеркаваньня.

Гэтая старонка сьцісла: Пазначэньне праўкі ў якасьці агледжанай — дзея праверкі праўкі на адпаведнасьць рэкамэндацыям Вікісховішча. Неагледжаныя новаствораныя старонкі падсьвечваюць жоўтым, тады як неагледжаныя праўкі адзначаюць клічнікам. Удзельнікі, якія не дазорцы, ня бачаць адзнакаў.

Права дазорца — канкрэтнае права ўдзельніка, што дазваляе пазначаць праўкі, запампоўкі файлаў і стварэньні старонак у якасьці агледжаных^[1]. Гэта, каб скараціць адставаньне ў новых старонках, новых файлах і неагледжаных праўках. Яно існуе, каб сказаць іншым дазорцам, што штосьці агледзеў дазорац, гэта не вандалізм і не выходзіць за межы ахопу нашага праекту (або гэта вярнулі ці выдалілі ў такіх выпадках). Удзельнікі з правам дазору пабачаць спасылку, як то «[Mark as patrolled]», у правым ніжнім куце новай старонкі або новага файла, а таксама справа ў аглядзе зьмяненьняў, якія дагэтуль не агледзелі. У дадатак неагледжаныя старонку падсьвецяць жоўтым на старонцы Special:NewPages («Спэцыяльныя:Новыя старонкі»). Неагледжаныя файлы на старонцы Special:NewFiles («Спэцыяльныя:Новыя файлы») ніяк не пазначаюць, але могуць прасочваць. Неагледжаныя праўкі вылучаюцца клічнікам (!) перад радком. Дазорцы маюць праверыць, каб убачыць, што яны трапляюць у межы ахопу нашага праекту. Прымальныя старонкі і файлы варта аглядаць, а непрымальныя — пераставіць або выдаліць, калі гэта немагчыма. Права даюць дапомна ўсялякаму адміністратару, але могуць даць надзейным удзельнікам на запыт. Магчыма папрасіць канкрэтнага адміністратара наконт права ўдзельніка або фармальна запытаць права на Вікісховішча:Запыты правоў.

Глядзіце Special:Listusers/patroller наконт сьпісу дазорцаў (цяпер 657).

Старонкі, падсьвечаныя жоўтым на Special:NewPages («Спэцыяльныя:Новыя старонкі»), пакуль не пазначалі агледжанымі. Гэта значыць, што іх магчыма не аглядалі. Калі праверыце старонку, то маеце пазначыць яе агледжанай, калі: (а) бачыце, што гэта — добрая старонка або (б) перад ці пасьля таго, як пазначыце яе для выдаленьня. Калі ня пэўныя, што рабіць са старонкай, не пазначайце яе агледжанай. Іншы рэдактар агледзіць яе пазьней.

Проста пстрыкніце на спасылку «[Mark this page as patrolled]» у ніжнім правым куце старонкі, каб пазначыць яе агледжанай.

• Усё належнае на Вікісховішчы.
• Няпэўны зьмест пасьля пазначэньня яго для выдаленьня.

• Старонкі, наконт якіх вы няпэўныя і захаваньне якіх ніхто іншы не падтрымлівае (акрамя творцы або запампоўвальніка).

У Recent changes пстрыкніце на спасылку (гісторыі) неагледжанай спасылкі. Затым у праглядзе гісторыі агледзьце праўку націскам на «[Mark this page as patrolled]» справа. Пасьля пазначэньня праўкі агледжанай можаце закрыць старонку або (у выпадку вандалізму ці іншага ўнёску, не павязанага з рэкамэндацыямі Вікісховішча) выканаць адробку альбо адкат.

У праглядзе гісторыі паводле адценьня спасылкі магчыма сказаць, ці існуе старонка гутарак. Паведаміце удзельніку, што адкацілі яго праўку, пакінуўшы пасланьне. Глядзіце таксама Вікісховішча:Супрацьвандальнае падразьдзяленьне#Файл.

Запампоўкі файлаў могуць таксама аглядаць унізе іх апісаньня. Усё ж гэта новая магчымасьць, для якой пакуль не распрацавалі канкрэтных рэкамэндацыяў.

Права аўдазору ўдзельнікам падобнае да права дазору (patrol) ў тым, што гэта канкрэтнае права ўдзельніка, што ўлучае пазначэньне дзеяньня агледжаным. Адрозьненьні ў тым, што:

• аўтадазорцы ня маюць здольнасьці дзейна пазначаць дзеяньні агледжанымі; замест гэтага толькі іх уласныя дзеяньні саматужна пазначаюцца агледжанымі;
• некаторыя дастасункі дазваляюць зрабіць вялікую колькасьць зьмяненьняў даступнымі аўтадазорцам^[2] (напрыклад: НагляднаеЗьмяненьнеФайла).

Гэтае права звычайна надаюць удзельнікам, якія неабавязкова ўцягнутыя ў дазор старонак, правак або запамповак, але ствараюць высокаякасныя старонкі або запампоўкі, што не патрабуюць дазору іншымі ўдзельнікамі. Гэта скарачае адставаньне ў новых старонках і Вікісховішча:Безыменныя праўкі. Гэтае права таксама надаюць удзельнікам, якія робяць шмат карысных правак, якія не патрабуюць дазору, каб зьменшыць загрувашчанасьць сьпісаў назіраньня.

Заяўку на аўтапатруляваньне можаце падаць на Commons:Requests_for_rights#Autopatrol.

Удзельнікам з правам patrol (дазору) ня варта надаваць гэтае права, бо яны ўжо маюць яго (яно залішняе). Сяброўства ў суполцы выявааглядальнікаў (image-reviewer) улучае правы дазору (patrol) і аўтадазору (autopatrol).

Глядзіце Special:Listusers/autopatrolled (цяпер 7585) наконт сьпісу ўдзельнікаў аўтадазору. Глядзіце Special:ListGroupRights#autopatrolled наконт сьпісу правоў суполкі ўдзельнікаў аўтадазору.

Існуюць 3 клясы Каскадных табліцаў стыляў (КТС), датычныя агледжаных правак:

1. кляс для неагледжаных артыкулаў у новых старонках — .not-patrolled, таму дальтанічныя ўдзельнікі або ўдзельнікі, якія аддаюць перавагу адрознаму стылю, могуць, напрыклад, дадаць .not-patrolled { border: 2px solid black } у свае файлы Каскадных табліцаў стыляў удзельніка;
2. кляс для клічніка — .unpatrolled, напрыклад, .unpatrolled { display:none } хавае яго ў Апошніх зьменах і вашага сьпісу назіраньня;
3. кляс для спасылкі «Пазначыць гэтую старонку агледжанай» у ніжнім правым куце кожнай новай старонкі — .patrollink, які можаце аздобіць у сваім файле КТС удзельніка, напрыклад: .patrollink { font: bold small sans-serif}

• Вікісховішча:Адкат — падобнае права ўдзельніка, каб змагацца супраць вандалізму
• Special:Log/patrol — журнал дазору
• Вікісховішча:Супрацьвандальнае падразьдзяленьне — больш зьвестак пра супрацьдзеяньне вандалізму і прылады, што яго аблягчаюць
• Статыстыка