J.H. Olivier

J.H. Olivier
Gebore	Jan Hendrik Olivier 24 Januarie 1848 Burgersdorp, Oos-Kaap
Sterf	30 Mei 1930 Volksrust, Mpumalanga
Nasionaliteit	Suid-Afrika
Bekend vir	Boeregeneraal
Eggenoot	Elizabeth Jane Pringle Olivier Johanna Olivier
Kinders	Vyf
Ouer(s)	Jan Hendrik Olivier en Martha Sophia Olivier

Jan Hendrik Olivier (1848 – 1930) was 'n Boeregeneraal tydens die Tweede Vryheidsoorlog.^[1]

Sy ouers het in die Burgersdorp omgewing gewoon en later na Zastron verhuis. Op die ouderdom van 15 sluit hy aan by die Oranje Vrystaat grenspolisie. In 1865 word hy 'n Veldkornet en veg in die laaste Basoetoe-oorlog. Hy word beloon met die plaas Olifantsbeen waar hy welvarend word. Hy word 'n lid van die Volksraad in 1883 vir die Caledonrivier-afdeling.

Hy was in bevel van die Rouxville en Thaba Nchu kommando's, en het met sy ma deur die Colesberg, Barkly-Oos en Dordrecht gebiede beweeg. Hy was in bevel van die Boeremagte tydens die Slag van Stormberg in Desember 1899. Later het hy saam met generaal De Wet gewerk in die oostelike Vrystaat en Brandwater-gebied. Nadat hy stry gekry het met De Wet besluit hy om by die Transvaalse magte aan te sluit. Op pad soontoe word hy gevange geneem. Hy is saam met drie van sy seuns as Boerekrygsgevangenes na Ceylon verban.

• The Hall Handbook of the Anglo Boer War. Darrell Hall. 1999. ISBN 0-86980-943-1
• The War Reporter. J.E.H. Grobler. Jonathan Ball Publishers. 2004. ISBN 978-1-86842-186-2

Hierdie artikel is ’n saadjie. Voel vry om Wikipedia te help deur dit uit te brei.