Breskens

Breskens
Vlag Wapen
Breskens in die munisipaliteit Sluis
Koördinate: 51°23′42″N 3°33′25″E / 51.39500°N 3.55694°O / 51.39500; 3.55694
Land	Nederland
Provinsie	Zeeland
Munisipaliteit	Sluis
Bevolking  (1 Januarie 2010)	4 787

Breskens is 'n hawedorp aan die Westerschelde in die munisipaliteit Sluis in die provinsie Zeeland, in die suidwestelike Nederlande. Die bevolking tel 4 787 (in 2010).

Die dorp is bekend vir die Visserijfeesten, die grootste fees in Zeeland.

Daar bestaan 'n veerbootverbinding tussen Breskens en Vlissingen. Sedert die opening van die Westerschelde-tonnel naby Terneuzen in 2003, vervoer die veerboot nou net voetganger- en fietsverkeer.

Die vuurtoring van Breskens is die oudste oorblywende gietyster-vuurtoring in Nederland. Dit is in 1867 gebou en is in 1982 as 'n monument verklaar.

Vroeg in 1487 het Maksimiliaan I die Heilige Romeinse keiser, die kusstreek van die Schelde vir beheer aan Filips van Kleef oorgedra. Die kusgebiede is gedreineer en die dorpie Breskens is in 1510 gestig.

Op 11 September 1944, tydens Operasie Switchback, is die dorp deur die Geallieerde magte gebombardeer, wat baie min van die historiese sentrum ongeskonde gelaat het. Na die oorlog is die dorp herbou en word dit 'n sentrum vir die Nederlandse visbedryf en ander maritieme ondernemings.

In die negentigerjare, terwyl die visbedryf in 'n terminale agteruitgang was, het toerisme die belangrikste ekonomiese fokus geword en 'n aantal hoë woonstelblokke is aan die waterkant gebou.

Voor 1 Januarie 2003 was die dorp by die Oostburg munisipaliteit ingelyf.

• 
  Die Breskens-vuurtoring
• 
  Promenade in Breskens
• 
  Jaghawe