Pieksel

In digitale afbeelding is 'n pieksel ^[1] kolletjies, of beeldelement^[2] 'n fisiese punt in 'n rowwe beeld, of die kleinste assesseerbare element in 'n vertoontoestel, so dit is die kleinste beheerbare element van 'n foto op 'n skerm.

Elke pieksel is 'n steekproef van die oorspronklike beeld; 'n groter steekproef verskaf groter akkurate voorstelling van die oorspronklike. Die intensiteit van elke pieksel is veranderlik. In kleurbeeldvormingstelsels, word 'n kleur gewoonlik verteenwoordig deur drie of vier komponent intensiteite soos rooi, groen, en blou, of siaan, magenta, geel en swart.

Die woord is 'n kombinasie van pix, vir die Engelse "picture", en die element. Die woord pix verskyn in tydskrifnuus in 1932 as 'n afkorting vir die Engelse woord "pictures', in verwysing na films.^[3] Teen 1938 is "pix" in Engels gebruik vir foto's deur fotojoernaliste.

Pieksels, afgekort as "px" is ook 'n maateenheid wat algemeen gebruik word in grafiese en webontwerp, gelykstaande aan ongeveer 0,26 mm. Hierdie mate word gebruik om seker te maak dat 'n gegewe element in dieselfde grootte sal vertoon, ongeag die skermresolusie.^[4]

'n Pieksel word gewoonlik beskou as die kleinste enkele komponent van 'n digitale beeld. Maar die definisie is hoogs kontekssensitief. Dit kan bv. "gedrukte pieksels" op 'n bladsy wees, of pieksels deur elektroniese seine uitgevoer, of verteenwoordig deur digitale waardes, of pieksels op 'n skermtoestel, of pieksels in 'n digitale kamera (fotosensor-elemente). Pieksels kan ook gebruik word as 'n maateenheid bv: 2400 pieksels per duim, 640 pieksels per lyn, of gespasieer as 10 pieksels uitmekaar.