Johann Wilhelm Coaz

Dr Johann Wilhelm Fortunat Coaz (* 31. Mai 1822 z Antwerpen; † 18. Augschte 1918 z Chur) isch e Schwiizer Forschtingeniöör und Topograaf gsi.

Dr Coaz isch dr Soon vom Pruefsofizier Johann Wilhelm Coaz und dr Salome geb. Köhl gsi. S Heimeträcht het er gha vo de Gmeinde S-chanf, Chüblisch, Valchava und Eclépens. Er isch Mitglid vom Studänteverein Zofingia gsi. Er het vo 1841 bis ane 1943 d Usbildig zum Forschtingeniöör gmacht, und zwar a dr Königlich-sächsische Waldakademy. Denn het er für d Eidgnosseschaft im Kanton Graubünde als Topograaf gschaffet. 1851 isch er Oberforschtinspäkter vom Bünderland worde, und 1875 het er dr neu Poschte vom eidgenössische Oberforschtinspäkter übernoo.

Wüsseschaftlech het dr Coaz über Botanik, Topografy, s Wätter, d Gletscher und d Lawine gschaffet. Als Fermässer und Bärgstyger isch dr Coaz i den Alpe als erschte uf 21 höchi Bärge. So het er ane 1850 d Erschtbestygig vom Piz Bernina gmacht.^[1]

• Die Lauinen der Schweizer Alpen. Bern 1881

• Anton Schuler: Coaz, Johann Wilhelm Fortunat. In: Historisches Lexikon vo dr Schwiiz.
• Conradin Ragaz: Johann Wilhelm Fortunat Coaz. In: Bedeutende Bündner aus fünf Jahrhunderten. Calven-Verlag, Chur 1970, Bd. 2, S. 108–118.
• Conradin Ragaz: Johann Wilhelm Coaz. In: Pius Bischofberger, Bruno Schmid. (Hrsg.): Grosse Verwaltungsmänner der Schweiz. Solothurn 1975, S. 169–174.

 Commons: Johann Wilhelm Coaz – Sammlig vo Multimediadateie

1. ↑ Erstbesteigung Piz Bernina. Johann Coaz besteigt als erster den Piz Bernina uf palue.ch