Sandee

D Sandee (* 29. Dezämber 1976 z Thun; buurgelige Name Sandra Moser) isch e Schwyzer Mundartsängeri.

D Sandee isch scho ase chlai seli musikaalisch gsii un het aafangs Fleete gleert. Mit aacht Joor het ere dr Vater e Ukulele gschänkt, wu si eerschti Lieder derzue gschriibe het. Mit dryzeeni isch si in dr eerschte Band (Cosmos) aktiiv gsii, speeter mänkmool sogaar in vier verschiidene Band glyychzytig. Mit 14 Joor het si ne Lied iber dr Polo Hofer gschriibe, wu an ere Musical-Show in dr Schuel ufgfiuert wooren ischg.

Vu 1998 bis 2000 isch si Backgroundsängeri bim erfolgryyche Schwyzer Mundartsänger Gölä (rund 500'000 verchaufti Doondreeger) gsii. Vu 2000 bis 2002 isch si as Choorsängeri mit em Hanery Amman uf Turnee gsii. Anne 2003 isch ire eerscht aige Mundartalbum „Irgendwenn, irgendwo“ uf dr Määrt chuu, wu rund 30'000 mool verchauft wooren isch. 2005 isch s zwait aige Album „Meh vo mir“ uusechuu, wu bis uf Blatz drei vu dr CH-Hitparade chuu isch un rund 20'000 mool verchauft wooren isch. Au s dritt un s viert Stuudioalbum vu dr Sandee ("Mexico" un "Diva?") sin seli erfolgryych gsii un in d TopTen vu dr CH-Chart chuu (Blatz 8 un 5). Ire fimft Album ("Zrügg zu mir"), wu 2017 uusechuu isch, isch bis uf Blatz 2 vu dr Schwyzer Chart chuu.

• „Irgendwenn, irgendwo“ (2003)
• „Meh vo mir“ (2005)
• „Mexico“ (2007)
• „Diva?“ (2009)
• „Zrügg zu mir“ (2017)

• Website von Sandee

Dä Artikel basiert uff ere fräie Übersetzig vu dere Version vum Artikel „Sandee“ vu de dütsche Wikipedia. E Liste vu de Autore un Versione isch do z finde.