Almonecir de la Sierra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Almonecir de la Sierra
Municipio d'Aragón
Entidat  • País  • Provincia  • Comarca	Municipio  Aragón  Zaragoza Val de Xalón
Partiu chudicial	L'Almunia de Donya Godina
Superficie	54,1 km²
Población  • Total	775 hab. (2013)
Altaria  • Meyana	598 m.
Distancia  • 56 km	enta Zaragoza
Alcalde	Francisco Compes Martínez
Codigo postal	50108
Parroquial  • Archidiocesi  • Arcipestrau  • Parroquia	Zaragoza Carinyena-Muel Anunciación de Ntra. Sra.
Coordenadas	41°23’50’’N 1°19’26’’U
Almonecir de la Sierra Almonecir de la Sierra en Aragón
Web oficial

Almonecir de la Sierra (en castellano Almonacid de la Sierra) ye un municipio de la provincia de Zaragoza, situato en la comarca de Val de Xalón.

Almonecir solo, sin l'apelativo, lo podemos leyer en la "Colección diplomatica de L'Almunia de Donya Godina" en textos de 1186 y 1196, tamién sale la variant Almonazir. L'apelativo "de la Sierra" existe dende 1383, pa diferenciar-lo d'Almonecir de la Cuba.

Actualment en Almonecir de la Sierra se charra lo castellano rechional d'Aragón como en toz los lugars de la comarca, con substrato aragonés. L'aragonés se charró en Almonezir por lo menos dica que fuoron forachitaus los moriscos, no sin haber amagau enantes importants manuscritos alchamiaus en aragonés, que se troboron en l'anyo 1884 cuan escachaban una casa viella.^[1]

Siempre ha estato un important nuclio de población musulmana. En Almonecir de la Sierra ensopinoron a un terrorista morisco de lo sieglo XVI dito Focero, feito con lo que terminó la colla "Moros de la venganza". En 1610 lo gubierno forachitó a unos 1600 moriscos, 324 fuegos seguntes os textos oficials, quedando la población redueita a 50 fuegos, unas 250 personas. Dica ixe anyo Almonecir de la Sierra yera lo cuatreno lugar de Zaragoza en población musulmana y lo ueiteno de tot Aragón.