Baixo Campo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Baixo Campo Baix Camp
Comarca de Catalunya
Envista d'o Baixo Campo dende as montanyas de Prades.
Capital  •Municipios	Reus 14
Entidat  •País  •Provincia	Comarca  Catalunya Tarragona
Superficie  •Total	697,07 km²
Población  •Total  •Densidat	(2005) 167.889 hab. 240,85 hab./km²
Mapa de situación en Catalunya
www.baixcamp.altanet.org

O Baixo Campo (Baix Camp en catalán) ye una comarca de Catalunya, una d'as tres que formaban l'antigo Campo de Tarragona. Muga a l'este con a mar Mediterrania, a l'ueste con o Priorato y Ribera d'Ebro, a lo norte con a Cuenca de Barberán y a lo nord-este con l'Alto Campo y o Tarragonés

O Baixo Campo tien una superficie de 697,07 km² en a que viven mas de 150.000 habitants entre os suyos 14 municipios, estando Reus a suya capital y prencipal centro d'actividat comercial. A comarca s'estendilla dende a mar Mediterrania, a on se troba atro d'os prencipals centros comercials y toristicos, Cambrils, dica las sierras de Prades, Pratdip, la Llabería y l'Argentera en a parti interior d'a comarca.

O clima ye suau mediterranio, encara que tien influencias d'a plana, mas que mas en hibierno, habendo-ie bel nevazo de cuan en vez. Con tot y con ixo a temperatura meyana ye de 15,5 °C en Cambrils, de 16,5 °C en Reus y una mica mas baixa en as montanyas interiors de Prades, 12 °C.

Son tipicos en hibierno y agüerro lo Seré (aire de ponient, xuto y cerenyo) u o Mestral (cierzo que baixa por a val d'Ebro) y en verano a Marinada (aire que bufa d'a mar ta la tierra). A estación de l'anyo con mas plevias ye l'agüerro, con un 40% d'as precipitacions anyals y dimpués a primavera con un 30%.

Os prencipals cautivos agricolas d'a comarca son as avellaneras (D.O. Avillana de Reus), a vinya (D.O. Vin de Tarragona) y as oliveras (D.O. aceite d'oliva de Siurana). Os cautivos de regano no son tradicionals anque s'han feito mas populars en as zagueras decadas con a creyación de l'entibo de Riudecanyes.

D'atra man tamién son importants l'avicultura con belas dos mil explotacions y a pesca mas que mas en os puertos de Cambrils y l'Hospitalet de l'Infant. Amás istos lugars, en estar costers, son os prencipals centros toristicos d'a comarca.

Comarcas de Catalunya

Alto Campo | Alto Empordán | Alto Penedés | Alto Urchel | Alta Ribagorza | Anoya | Baches | Baixo Campo | Baixo Ebro | Baixo Empordán | Baixo Llobregat | Baixo Penedés | Baixa Cerdanya | Barcelonés | Berguedá | Cuenca de Barberán | Chironés | Garraf | Garrigas | Garrotxa | Lluçanés | Maresme | Moianés | Montsiá | Noguera | Osona | Pallars Chusán | Pallars Sobirán | Plan d'o Estanyo | Plan d'Urchel | Priorato | Ribera d'Ebro | Ripollés | Segarra | Segrián | Selva | Solsonés | Tarragonés | Tierra Alta | Urchel | Val d'Arán | Vallés Occidental | Vallés Oriental