Conferencia de Wannsee

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix con o nombre de Conferencia de Wannsee a una reunión celebrata o 20 de chinero de 1942, mientres a Segunda Guerra Mundial, en una casa u "villa" en o districto de Wannsee, en a ciudat alemana de Berlín. En a reunión prenioron parte 15 destacatos dirichents d'o Tercer Reich, y se i miraba de trobar una Solución final a o que o nazismo consideraba o problema chodigo (Endlösung der Judenfrage en alemán). En a Conferencia, se prenioron alcuerdos entre os asistents que prefiguraban o que en as siguients anyadas estió l'Holocausto u mortalera masiva d'os chodigos que se trobaban en territorios ocupatos por o Tercer Reich, pretenendo o suyo exterminio de raso.

Os dirichents nazis que prenioron parte en a reunión son:

• SS-Obergruppenführer Reinhard Heydrich, a qui Heinrich Himmler y Hermann Göring heban encargato o plan, y qui estió o convocant d'a Conferencia de Wansee. Yera o chefe d'a de la Policía Secreta d'o Estato (a Gestapo) y tamién d'o Sicherheitsdienst (o Servicio Secreto d'as Schutzstaffel).
• Gauleiter Dr. Alfred Meyer, representant d'o ministro d'o Reich ta os Territorios Ocupatos de l'Este.
• Reichsamtleiter Dr. Georg Leibbrandt, tamién representant d'o ministro d'o Reich ta os Territorios Ocupatos de l'Este.
• Dr. Wilhelm Stuckart, representant d'o ministro d'o Interior d'o Reich, avogau y co-autor d'as ditas Leis de Nuremberg.
• Dr. Erich Neumann, Chefe d'a Oficina de Planificación d'o Plan Cuatrienal.
• Dr. Roland Freisler, ministro de Chusticia d'o Reich.
• Dr. Josef Bühler, representant d'o Gubierno Cheneral de Varsovia.
• Dr. Martin Franz Julius Luther, d'o Ministerio de Relacions Foranas. A suya copia d'a documentación, trobata en rematar a guerra, ye a sola documentación conservata d'a Conferencia de Wanseee, y por ixo ye posible conoixer hue a suya existencia, o suyo desembolique y os alcuerdos que se i adoptoron.
• SS-Oberführer y Dr.Gerhard Klopfer (representant d'a Cancillería d'o Nationalsozialistische Deutsche Arbeiterpartei).
• Ministerialdirektor Friedrich Wilhelm Kritzinger (tamién representant d'a Cancillería d'o Nationalsozialistische Deutsche Arbeiterpartei).
• SS-Gruppenführer Otto Hofmann (Oficina Principal de Raza y Colonización).
• SS-Gruppenführer Heinrich Muller (Gestapo).
• SS-Obersturmbannführer Adolf Eichmann (Gestapo).
• SS-Oberführer Dr. Karl Eberhard Schongarth (Sicherheitsdienst).
• SS-Sturmbannführer Dr. Rudolf Lange (Sicherheitsdienst en Letonia).

A cinta Conspiracy (2001, Frank Pierson, con Kenneth Branagh, Stanley Tucci, Colin Firth, David Threlfall y Ben Daniels) presenta una destacata reconstrucción d'o desembolique d'a Conferencia de Wansee.

• Se veigan as imáchens de Commons sobre a Conferencia de Wannsee.