Cretas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cretas Queretes
Municipio d'Aragón
Plaza Mayor
Entidat  • País  • Provincia  • Comarca	Municipio  Aragón  Teruel Matarranya
Partiu chudicial	Alcanyiz
Superficie	52,7 km²
Población  • Total  • Densidat	556 hab. (2013) 11,73 hab/km²
Altaria  • Meyana	563 m.
Distancia  • 193 km	enta Teruel
Alcalde	Fernando Javier Camps Juan
Codigo postal	44623
Parroquial  • Archidiocesi  • Arcipestrau  • Parroquia	Zaragoza Val de Robres Sant Chuan Baptista
Coordenadas	40°55’40’’N 0°12’36’’E
Cretas Cretas en Aragón
Web oficial

Cretas (Cretes u Queretes en catalán) ye un municipio situato en la comarca de lo Matarranya, en la provincia de Teruel.

Ye situato en lo semontano de los Puertos de Beceit, en lo interfluvio de los ríos Matarranya y Algars, en un pueyo chusto a l'este d'on encomienza o barranc del Calapatà.

La suya economía se basa tradicionalment, como en la mayor parti de los lugars d'a redolada, en l'agricultura, sobretot en la vinya, las oliveras y almendreras, y mes modernament en granchas de tocins. Todas as anyadas se fa en abril la feria de lo vin, a sola d'estas caracteristicas de la provincia de Teruel, an se tastan los millors vins de lo Baixo Aragón y de la Terra Alta.

Lo suyo termin muga con Val de Robres a l'ueste y sudueste, con Torrelconte, Val del Tormo y Mazalión a lo norueste, con Calaceit a lo norte, con Arens de Ledón a lo norte, con Ledón a lo nord-este, con Arnes a l'este, con Beceit a lo sud.

Torrelconte, Val del Tormo, Mazalión	Calaceit, Arens de Ledón	Ledón
Val de Robres		Arnes
Val de Robres	Beceit

Bi ha pinturas rupestres d'arte levantín, Els Gascons, representando actividat humana en lo epipaleolitico u neolitico. Bi ha tamién poblatos ibericos y se i han trobato las tipicas estelas funerarias ibericas de lo Baixo Aragón.

Dimpués de la reconquiesta este lugar perteneixió a l'Orden de Calatrava^[1], con seu en Alcanyiz, estando-ne l'apendiz mes oriental de lo suyo territorio, mugando a lo sud con la Tinenza d'Aznar Lagaya, centrata en Val de Robres. D'edat medieval bi ha unas tumbas famosas con estelas discoidals.

Lo suyo nombre se crei que vien d'una radiz indoeuropea que ha dato en aragonés palabras como cleta; u a traviés de lo latín QUEBRANTARE, crebar u crebaza. En contra d'esta interpretación mes aceptata, lo latinista Agustín Ventura Conejero crei que significa archila blanca, que tamién se diz en castellano tierra de greda.

Amaneix en los escritos relativos a los Calatravos como Crietas (1225). En catalán local hue se diz Queretes, pero puet veyer-se escrito en catalán stándard Cretes. En lo Fogache de 1495 apareixe como Cretes.

• Ilesia de Nuestra Sinyora de l'Asumpción, protechita legalment dende 2001 con a suya declaración como Bien d'Intrés Cultural.^[5] Ye una ilesia d'o sieglo XVI en estilo gotico-renaixentista, con frontera manierista.
• Portal capiella de Sant Roc.
• Portal capiella de Sant Antón.
• Casa Turull.
• Ermita de la Misericordia.
• Azute de lo río Algars.
• Gara de Cretas

• Categoría:Naixius de Cretas

Las suyas Fiestas Mayors se celebran lo 15 d'agosto, encara que tradicionalment se celebraban o día de Santa Pelachia, lo 8 d'octubre.

• Se veigan as imáchens de Commons sobre Cretas.