Oliet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Oliet Oliete
Municipio d'Aragón
Entidat  • País  • Provincia  • Comarca	Municipio  Aragón  Teruel Andorra-Sierra d'Arcos
Partiu chudicial	Alcanyiz
Superficie	85,5 km²
Población  • Total	349 hab. (2012)
Altaria  • Meyana	541 m.
Distancia  • 121 km	enta Teruel
Alcalde	Ramiro Alfonso Carod
Codigo postal	44548
Parroquial  • Diocesi  • Arcipestrau  • Parroquia	Teruel y Albarracín Mont Albán Asumpción de Ntra. Sra.
Ríos	Martín
Coordenadas	40°59’36’’N 0°40’46’’U
Oliet Oliet en Aragón
Web oficial

En Wikisource bi ha un texto sobre Alcuerdo de mollonación entre los d'Oliet y lo Monesterio de Sant Per de los Griegos.

Oliet (Oliete en castellano) ye un municipio de la provincia de Teruel, situau en la comarca d'Andorra-Sierra d'Arcos. La suya población ye de 364 habitants (2018), en una superficie de 85,5 km².

Ye situau chunto a lo río Martín en una costera que representa un releu en cuesta a lo norte de la sierra de los Moros. Puyando t'alto por lo Martín mos trobamos lo entibo de Cueva Foradada.

Alacón		Arinyo
Muniesa		Alloza
	Arcaine, Estercuel

Bi ha un poblau iberico, El Palomar. Se crei que lo poblau iberico se despobló por las guerras sertorianas, como atros poblaus de la redolada.

Lo casco urbán d'Oliet ye en un cabezo a on que seguntes la tradición yera lo castiello de García de Sesse. Antigos documentos fablan d'un castiello en Oliet en lo sieglo XIV.

Lo toponimo Oliet se relaciona con lo latín OLIVETUM ("oliveral")^[1] seguindo la fonetica aragonesa. Una relación con l'antiga ciudat ibera Ildugoite no ye demostrada, y de fueras d'un pareixiu en los nombres no bi ha mas elementos pa correlacionar l'actual Oliet con l'antiga Ildulgoite. Cualques autors creyen que lo Palomar no yera una ciudat prou gran pa corresponder con una ciudat mencionada en las fuents clasicas.

Lo toponimo en aragonés Oliet encara s'escribiba en 1540, como indica un texto en castellano relativo a los mercedarios:

Y dimpués de 1540 encara se feba servir en castellano de lo sieglo XVIII y se podeba veyer escrito, como diz Agustín Ventura Conejero:

En un texto de 1321 relacionau con lo Monesterio de Sant Per de los Griegos bi ha microtoponimos intresants en aragonés: Defesa de Blasco, Barranco de la Glera, Linde Gorda, El Ragatiello, El Torretón de los Moros (en lo poblau iberico), y Tormos Gordos.

En un texto de 1332 se pueden leyer los microtoponimos torrellones de penya, cabezo de Johan dAriño, peniellas, cueva blanca, penyaçuelas de la Savina, las carrascas y barranco del arco.

Poblau iberico d'El Palomar monumento historico-artistico dende 1981. Bi ha unatro poblau iberico auguas enta baixo en lo Cabezo de Sant Per, con una intresant torre iberica que ye conoixida como El Torretón de los Moros.

• Ilesia Parroquial de l'Asumpción (sieglo XVII).
• Muitas ermitas:
  • Sant Bertolomeu (sieglo XVI)
  • Virchen d'el Cantal (1660),
  • Ermita d'el Calvario.
  • Ermita de Sant Per, con enrunas de l'antigo monesterio de Sant Per de los Griegos, de la Orden de Santa María de la Mercé de los Cativos.

La sima de Sant Per d'orichen karstico, una de las mas profundas y famosas d'Aragón.

• 24 d'agosto,Sant Bertolomeu.
• 14 de setiembre.

• (es) Fray Joaquín Millán Rubio: Santa María de El Olivar. Santuario, monasterio, corazón de su comarca. Provincia Mercedaria de Aragón, 1997.
• (es) Agustín Ventura Conejero: Toponimia de la provincia de Teruel. Revista Teruel, 48, 1972.