Islla Null

Null Island ye una islla ficticia del Golfu de Guinea añadida a la colección de mapes de dominiu públicu Natural Earth, llargamente utilizada en cartografía, y alcontrada nel puntu onde l'ecuador terrestre ye travesáu pol meridianu cero, nes coordenaes 0°N 0°E / 0°N 0°E / 0; 0^[1][2]

Natural Earth describe esta entidá cartográfica como «una islla de 1 metru cuadráu (sic)» con «un rangu d'escala 1:100.000», indicando que nunca tendría de ser amosáu na cartografía final. Null Island foi desenvueltu como una idea nel añu 2011. De magar, numberosos sitios web tienen documentáu sobro esta masa de tierra ficticia, creando una bandera, xeografía ya historia imaxinaria.^[3]

Anque pueda paecer que la intención ye humorística, en realidá tien un propósitu seriu, al ser utilizáu polos sistemes de cartografía para detectar los errores mientres la etapa de diseñu de los mapes.^[4] Esta posición, alcontrada nuna llatitú y llargor de cero graos, ye el llugar predeterminado onde los sistemes de geocodificación (Google Maps, Bing Maps, OpenStreetMap, etc.) asitien los miles de busques errónees que faen los usuarios nestos servicios de mapes.^[5] La so intención nun tien de confundise cola de revelar violaciones potenciales de los derechos d'autor, como asocede con les cais trampa.

Como una tradición anovada de la era dixital, dientro del ámbitu cartográficu modernu la islla pantasma de la islla Null llegó a algamar cierta relevancia al remembrar l'antiguu mitu de les islles perdíes del imaxinariu insular, recoyíu na lliteratura clásica y na tradición llatina medieval y afiguráu en numberosos mapes de la dómina.^[5]

En realidá en dicha posición atópase amarrada una boya meteorolóxica que forma parte de la rede PIRATA (Prediction and Research Moored Array in the Atlantic) capaz de midir les condiciones meteorolóxiques de superficie y la temperatura del mar.^[6]

• Wikimedia Commons acueye conteníu multimedia sobre Islla Null.
• El Confidencial, Null, la islla que nun esiste. (castellán)