Lloru

Lloru
Estáu d'ánimu y Espresión facial

El términu lloru polo xeneral descríbese cuando daquién derrama llárimes en reacción a un estáu emocionáu. L'acción de llorar definióse como "un fenómenu motor complexu que ye carauterizáu por arramar llárimes del aparatu llagrimal, ensin provocar nenguna irritación de les estructures oculares".^[1] Establecióse una rede neural biolóxica ente'l conductu llagrimal y les árees del celebru humanu implicaes cola emoción. Créese que nengún otru animal puede producir llárimes en reacción a estaos emotivos,^[2] anque ye cuestionáu por dellos científicos.^[3]

Según un estudiu de más de 300 adultos, por permediu los homes lloren una vegada cada mes, y les muyeres siquier cinco veces cada mes.^[2] especialmente antes y mientres la menstruación cuando'l lloru puede tener llugar hasta cinco veces más que normal, de cutiu ensin razones obvies como la depresión o murnia.^[4]

Dalgunos cunten que los beneficios físicu y psicolóxicu del lloru nun fueron comprobaos entá pola ciencia. Sicasí, según les encuestes, el 85% de les muyeres y el 73% de los homes aseguren sentise meyor dempués de llorar.^[5]

Acordies cola Sociedá Alemana d'Oftalmoloxía, qu'arrexuntó distintos estudios científicos en lloru, ye recomendable tar feliz pa tener una vida sana. ^[6]

Les llárimes producíes mientres el lloru emocionáu tienen una composición química que difier d'otros tipos de llárima. Tán compuestes de cantidaes más altes de les hormones prolactina, adrenocorticotropa, leucoencefalina^[7] y los elementos potasiu y manganesu.^[2]

La función o orixe de llárimes inda ta siendo investigada.

Les teoríes inclúin les que son simples, como una reacción a dolor causáu, y les que son más complexes, qu'inclúin la comunicación non verbal pa llograr comportamientu ayudante d'otros.^[8][9] Esisten diferencies culturales y sociales qu'espliquen por qué dellos individuos lloren más qu'otros, como por casu la procedencia cultural y el sexu.^[10] Históricamente, el lloru nes muyeres foi meyor toleráu y entendíu que'l lloru en varones, por cuenta de la influencia de los roles de xéneru establecíos.^[11]

Nun esiste nenguna otra especie que puede arramar llárimes emotives. Como resultancia, los científicos creen que'l lloru tien de ser causáu por dalgún comportamientu humanu que ye especialmente complexu. Fai más d'un sieglu Darwin dixo que'l lloru foi usáu p'atraer atenciónsobremanera foi usáu polos neños. Dixo que les llárimes actúen como una bandera colorada pa señalar el estrés.^[12]

Na medicina hipocrática y medieval, les llárimes fueron acomuñaes colos humores del cuerpu, y víase el lloru como una purga d'humores escesos del celebru.^[13]

William James consideró les emociones como reflexos antes de pensamientu racional, y creía que la reacción fisiolóxica como si al estrés o la irritación ye una precondición pa faese consciente cognitivamente d'emociones como'l mieu, la murnia, la felicidá o la roxura.

William H. Frey II, un bioquímicu na Universidá de Minnesota, propunxo que la xente siéntese meyor dempués de llorar por cuenta de la eliminación d'hormones acomuñaes col estréssobremanera la hormona adrenocorticotropa.^[14] Esto, xunto con una secreción de mocu aumentada mientres el lloru, puede dirixir a una teoría que'l lloru ye un mecanismu desenvueltu nos humanos pa disponer d'esta hormona cuando los sos niveles son demasiáu altos.

Les teoríes psicolóxiques recién del lloru enfatizan la so rellación cola esperiencia d'impotencia percibida.^[15] Dende esta perspeutiva, una esperiencia subxacente d'impotencia puede esplicar por qué la xente llora na mayoría de situaciones; por casu, una persona puede llorar dempués de recibir noticies especialmente felices, ostensiblemente porque la persona siéntese impotente o ineficaz pa influyir nos acontecimientos que tán pasando.

• La paralís facial periférica, onde la rexeneración defectuosa del nerviu facial causa que los enfermos arramen llárimes mientres comen.^[16]
• síndrome de la miaguida del gatu
• La disautonomía familiar, onde pue ser una falta de llárimes excesas mientres el lloru emotivu.^[17]
• El risueño y lloru patolóxicu
• El tiemblu del lloru, el cual afecta a un cinco per cientu de los infantes nel so primer y segundu añu de vida.^{[ensin referencies]}

• William H. Frey, Muriel Langseth. Crying: The Mystery of Tears. Minneapolis: Winston Press; 1985.
• Lutz, Tom. Crying: The Natural and Cultural History of Tears. New York: W.W. Norton; 1999. ISBN 0-393-04756-3.
• Walter, Chip. Why do we cry?. Scientific American Mind. 2006 Dec; 17(6):44.

• Wikiquote tien frases célebres suyes o que faen referencia a Lloru.
• "Boys don't cry?" ("¿Los mozos nun lloren?") - Damian Corless esamina'l tabú qu'inda arrodia'l lloru públicu, Irish Independent, 8 d'agostu de 2008
• Why we cry ("Por qué lloramos") por John-Paul Flintoff, The Age, 30 d'agostu de 2003.