Uxo (parroquia)

Uxo
Alministración
País	España
Autonomía	Principáu d'Asturies
Provincia	provincia d'Asturies
Conceyu	Mieres
Partíu xudicial	Mieres
Tipu d'entidá	parroquia d'Asturies
Nome oficial	Uxo (ast)[1]
Xeografía
Coordenaes	43°12′12″N 5°47′26″W / 43.20323°N 5.79056°O / 43.20323; -5.79056
Uxo Uxo (Asturies)
Superficie	3.8 km²
Altitú	241 m[2]
Llenda con	Gaḷḷegos, Cuna, Santuyano, Figareo, Santa Cruz y Viḷḷayana
Demografía
Población	1932 hab. (2017)
Porcentaxe	5.34% de Mieres
Densidá	508,42 hab/km²
Viviendes	1347 (2001)
Más información
Estaya horaria	UTC+01:00

Uxo^[3] ye una parroquia del conceyu asturianu de Mieres. Tien una población de 1932 hab. (2017)^[4].

Ocupa 3,8 km²^[5] y llenda al norte col pueblu de Santuyano, al sur colos de Viḷḷayana y Carabanzo, dambos pertenecientes al conceyu de Ḷḷena, al este col ríu Caudal y Figareo y Santa Cruz y al oeste cola Sierra de Diego y el Vaḷḷe de Cuna. Alcuéntrase a 26 km d'Uviéu y 52 km de Xixón. Les fiestes principales de la llocalidá son el 1 de mayu, San Xosé Obreru. Ente los sos monumentos destaca la Ilesia de Santolaya, románica del sieglu XII.

El nome vien de la época romana, posiblemente 25 e.C. , cuando Publio Carisio al que se-y encomendó la conquista d'Asturies, vieno dende Pendilla, en Lleón, hasta Ostium o Ustium (anguaño Uxo) a través de lo que güei se conoz como la ruta Carisia, pasando pol Homón de Faro y Picu Curriechos onde actualmente s'alcontró una defensa ástur escontra l'Imperiu Romanu y que se ta escavando con resultaos satisfatorios pa la conocencia de la historia d'Asturies. Dempués de descender lo primero qu'encontraríen ye un espaciu abiertu, col ríu incluyíu al que nomarían Ostium, que nun significaba otra cosa qu'entrada o tamién salida importante, y equí establecieron un campamentu de tránsitu camín de Lucus Asturum (Llugo de Llanera) y dempués pa Noega (Xixón), habitada per aquel entóncenes polos Cilúrnigos.

Del asentamientu romanu n'Uxo, esisten trés exemplos que lo demuestren, y que s'alcuentren nel Muséu Arqueolóxicu d'Asturies. Son unes inscripciones feches na piedra, una d'elles dedicada al Nimmedo Seddiago, presumiblemente dios ástur y que ta firmada por Cayu Sulpiciu l'Africanu por devolver con vida al so sobrín Cayu Sulpiciu Úrsulu. La otra ta dedicada a Luciu Severu Corona y a la so muyer Octavia y la tercera cuéntanos ónde llegó Cayu Sulpiciu Úrsulu perteneciente a los Synmschiari, exércitu astur a les órdenes de Roma. Esti personaxe, según la inscripción de la llábana, llegó a ser Prefectu de los Symmachiari na guerra de Dacia, Centurión de la Lexón I Minerva Pía y Fiel, Centurión de la Cohorte XII Urbana, Centurión de la Cohorte IV Pretoria, Primo Pilo de la Lexón XVIII y Prefecto de la Lexón III Augusta. Los Symmachiari ástures paez ser que yeren un exércitu regular a les órdenes de Roma.

Más tarde, yá nel añu 860, el rei Ordoñu I entrega al Obispu Frominio de Lleón la ilesia de Santa Eulalia. Según diz el pergamín que s'alcuentra na Catedral de Lleón: «...y la iglesia de Sta Eulalia que está fundada in villa Ussio...» nome que tien naquella época.

Güei consérvase una llápida funeraria na ilesia que lleva la siguiente inscripción: Murió el siervo de Dios, Velasco niño. En la era

• Wikimedia Commons acueye conteníu multimedia sobre Uxo.

	Parroquies de Mieres
Baíña | Cuna | Figareo | Gaḷḷegos | Lloreo | Mieres | Mieres Extrarradio | La Peña | La Rebollá | Santa Cruz | Santa Rosa | Santuyano | Siana | Turón | Urbiés | Uxo