Oortsche Woikn

Der Artikl is im Dialekt Obaboarisch gschriem worn.

De Oortsche Woikn is a vamutete sphearische Woikn vo Kometn und kloan Himmeskeapan, wos Sunsystem in am Obstond vo rund oam Lichtjoar vo da Sun umgibt.^[1] De Woikn is damit rund a Viatl vom Obstand vo Proxima Centauri, am nextn Stean, vo da Sun entfeant. Da Kuipergiatl beispuisweis hod wenga ois oa Tausendstl vom Obstond vo da Oortschn Woikn zua Sun. Se is woarscheinlich de aissaste Grenz vom Sunsystem, wo duach de Gravitation definiat is.^[2]

Aufbau

Es wead vamutet, dass de Oortsche Woikn aus zwoa Regiona besteht: a sphearische aissare Region und a scheibmfeamige innare Region. De Objekte in da Woikn bestengan vor oim aus Stoana, Staub und Eis (Wossa, Ammoniak-, Methan-Eis). Es wead ognumma, dass de Objekte vo da Oortschn Woikn friaha vui näha ba da Sun woan, owa in da Ofongszeit vom Sunsystem duach de Gasplanetn weit ausse gschleidat woan san.^[1]

De Entdecka vom wei aussn umlaffandn Zweagplanetn Sedna – mit am Aphel ba umara 926 AE – hom vorgschlogn an Himmeskeapa zua Oortschn Woin zan zejn, wos owa bis etz ned oigmoa akzeptiat wead.

Kometn

Duach an Einfluss vo de Gravitationsfejda vo de benochbortn Steane sowia vo de galaktischn Gezeitn wean de Umlaffbohna vo de Keapa vo da Oortschn Woikn gsteat und oaniga vo dena wean is innara vom Sunsystem katapultiat. Do weans nacha ois longperiodische Kometn, mit oana Periodn vo mearan tausend Joarn woargnumma. Kuazperiodische Kometn kema dagegn ausm Kuipergiatl.

Schau aa

Transneptunisches Objekt

Beleg

↑ ^1,0 ^1,1 Alessandro Morbidelli: Origin and dynamical evolution of comets and their reservoirs (PDF) arxiv. 3. Feba 2008. Abgerufen am 26. Mai 2007.
↑ "NASA Solar System Exploration": Oort Cloud. Archiviert vom Original [1] am 25. Oktoba 2008. Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2 Abgerufen am 2. Dezemba 2008.

Im Netz

Commons: Oortsche Woikn – Sammlung vo Buidl, Videos und Audiodateien

Oortsche Woikn und Kometn

Des Sunsystem

Zentreigestian:	Sun
Planetn:	Merkur \| Venus \| Eadn \| Mars \| Jupiter \| Saturn \| Uranus \| Neptun
Zweagplanetn:	Ceres \| Pluto \| Haumea \| Makemake \| Eris
Himmeskeapa:	Planeten \| Zweagplanetn \| Mond \| Asteroidn \| Kometn \| Meteoroidn
Objekthaifunga:	Asteroidngiatl \| Zentauren \| Kuipergiatl \| Heliosphean \| Oortsche Woikn

[Morbidelli2006-1] 1,0 ^1,1 Alessandro Morbidelli: Origin and dynamical evolution of comets and their reservoirs (PDF) arxiv. 3. Feba 2008. Abgerufen am 26. Mai 2007.

[NASA_SSE_oort-2] "NASA Solar System Exploration": Oort Cloud. Archiviert vom Original [1] am 25. Oktoba 2008. Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2 Abgerufen am 2. Dezemba 2008.

[1]