Nokia 3310

Nokia 3310
Nokia 3310
Вытворца	Nokia
Дыяпазоны частасьцяў	GSM 900, GSM 1800
Папярэднік	Nokia 3210
Наступнік	Nokia 3410 і Nokia 1100
Тып корпусу	клясычны
Маса	133 г
Памеры	113×48×22 мм, 97 см³
��пэрацыйная сыстэма	Nokia OS[d]
Пярэдняя камэра	не
Інтэрфэйсы	не
Nokia 3310 у Вікісховішчы

Nokia 3310 — двухдыяпазонны (GSM 900/1800) сотавы тэлефон фірмы Nokia. Выпушчаны ў чацьвёртым квартале 2000, прыйдучы на зьмену мадэлі Nokia 3210. Nokia 3310 — адна з самых удалых мадэляў у гісторыі: было прададзена больш 100 мільёнаў апаратаў.

Nokia 3310 кампактны, хоць даволі цяжкі (133 г.) апарат з манахромным вадкакрысталічным дысплеем, які падтрымлівае разрозьненьне 84 на 48 піксэляў. Форма яго — зьлёгку закруглены паралелепіпэд, ён зручна ляжыць у далоні. Акрамя дзесяці лічбавых (0—9) клявіш, клявішы «*» і «#» ён мае таксама пяць функцыянальных — скід (адмена, выхад на верхні ўзровень мэню), клявішы «наперад» і «назад», а таксама «галоўную» вялікую клявішу (служыць для выкліку мэню, выбару пунктаў і да т. п.) і наверсе тэлефона клавішу ўключэньня/выключэньня/выбару профіля.

У ніжняй частцы корпуса маюцца раздымы для падлучэньня прылады зарада акумулятара і гарнітуры (або аўтамабільнага камплекта тыпу «hands free»). Кнопка ўключэньня сілкаваньня знаходзіцца на верхнім тарцы тэлефона. Стандартнага інтэрфэйсу для абмену дадзеных з кампутарам або іншымі апаратамі не прадугледжана, аднак маецца магчымасьць перапрашыўкі ўнутранай праграмы з дапамогай адмысловага кабэля.

Асабовая і задняя панэлі здымныя, што дазваляе зьмяняць вонкавы выгляд апарата. Таксама карыстачу даступныя «застаўкі» на экран і мэлёдыі для сыгналу выкліку, якія можна загрузіць або стварыць самастойна з дапамогай убудаванага рэдактара мэлёдый (маецца магчымасьць прызначыць асобны сыгнал для любога абанэнта).

Акрамя непасрэдна функцый ажыцьцяўленьня і прыёму званкоў і абмену імгненнымі паведамленьнямі (падтрымліваецца сыстэма T9), убудаванае праграмнае забесьпячэньне апарата ўключае прыкладаньні: «Таймэр», «Будзільнік», «Калькулятар», сыстэму галасавога набору, а таксама чатыры гульні — «Snake II», «Pairs II», «Space Impact» і «Bantumi». Блякаваньне клявіятуры толькі ручное.

• Nokia 3315 (азіяцкая вэрсія апарата, мае ўбудаваны рэдактар выяваў для абмену праз SMS, аўтаматычнае блякаваньне клявіятуры і некаторыя іншыя зьмены)
• Nokia 3330 (адрозьніваецца ад базавай вэрсіі колерам корпуса, тыпам акумулятара ў камплекце, наяўнасьцю WAP і адной дадатковай гульнёй)
• Nokia 3350 (азіяцкая вэрсія апарата, аналягічная вэрсіі 3315, дададзены WAP і разрашэньне экрана павялічана да 96 на 64 піксэля)
• Nokia 3390 (паўночнаамэрыканская мадэль, працуе ў дыяпазоне GSM 1900)
• Nokia 3395 (паўночнаамэрыканская мадэль, аналягічная 3390 з даданьнем функцый мадэлі 3315)

• *#06# — адлюстроўвае нумар IMEI
• *#0000# — адлюстроўвае нумар вэрсіі

Nokia 3310 — сховішча мультымэдыйных матэрыялаў

• Апісаньне на сайце Nokia
• Апісаньне на сайце onliner.by (рас.)
• Nokia 3310 Phone
• Nokia 3310 Phone