Парк Перамогі (Мінск)
| Парк Перамогі | |
|---|---|
 | |
| Асноўная інфармацыя | |
| Тып | парк |
| П��ошча | 200 га |
| Дата заснавання | 1945 |
| Размяшчэнне | |
| 53°55′22″ пн. ш. 27°32′10″ у. д.HGЯO | |
| Краіна | |
| Горад | Мінск |
| Раён | Цэнтральны раён |
 | |
 Медыяфайлы на Вікісховішчы | |
Музейна-паркавы комплекс «Перамога» або Парк Перамогі — буйнейшы парк г. Мінска. Размешчаны ў Цэнтральным раёне Мінска побач з вадасховішчам Камсамольскае возера. Абмежаваны праспектамі Пераможцаў і Машэрава, вуліцамі Арлоўская і Старавіленскім трактам. Плошча парка займае 200 га. З’яўляецца часткай водна-зялёнага дыяметра сталіцы.
Закладзены ў 1945 г. у гонар Перамогі над фашысцкай Германіяй у Вялікай Айчыннай вайне. Функцыяніраваў як гарадская зона адпачынку ў раёне Камсамольскага возера, з 1975 г. парк культуры і адпачынку. Плошча складала больш за 100 га, у т. л. воднага люстра 40 га. Было высаджана каля 33 тыс. дрэў (ліпа, клён, вярба, ясень, таполя і інш.), 25 тыс. кустоў. Уязная алея пракладзена з паўднёвага захаду на паўночны ўсход. Пасадкі згрупаваны па перыметры парку і яго ўзгоркавых участкаў, вакол возера больш рэдкія і нізкія, што садзейнічае раскрыццю яго ландшафтных карцін. На воднай роўнядзі возера вылучаюцца астравы з паркавымі курцінамі. Дамінантныя акцэнты ў сілуэце парку ствараюць хвойныя пароды дрэў (елка звычайная і серабрыстая, піхта і інш.). На беразе возера размешчаны лодачная станцыя, водна-вяслярная база, створана дзіцячая зона з пляцоўкамі для гульняў і заняткаў спортам, Палац піянераў і школьнікаў. Развіваўся як цэнтральны шматпрофільны парк культуры і адпачынку ўздоўж праспекта Машэрава (уключае вадасховішча Дразды) да в. Ждановічы (плошча каля 1000 га)[1].
Адкрыты пасля рэканструкцыі ў 2010 г.
На невялікім пагорку ў пачатку парку Перамогі, на перакрыжаванні праспектаў Пераможцаў і Машэрава размяшчаецца комплекс Мінск — горад-герой. У красавіку 2010 года за комплексам пачалося будаўніцтва новага будынка Музея гісторыі Вялікай Айчыннай вайны[2], які быў адкрыты 2 ліпеня 2014 года..
20 верасня 2013 парку была прысвоена назва Музейна-паркавы комплекс «Перамога» [3].
Зноскі
- ↑ А. М. Кулагін. 235. Парк Перамогі // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
- ↑ Новое здание музея истории Великой Отечественной войны откроется в Минске к 9 мая 2014 года | Недвижимость и строительство в Беларуси(недаступная спасылка). nest.by. Архівавана з першакрыніцы 5 сакавіка 2016. Праверана 2011-5-19.
- ↑ Аб прысваенні найменняў састаўным часткам г. Мінска. Рашэнні 26-га склікання № 359/25/26 — 20 верасня 2013 Архівавана 4 кастрычніка 2015.
Літаратура
[правіць | правіць зыходнік]- А. М. Кулагін. 235. Парк Перамогі // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
- Республика Беларусь : энциклопедия. [В 7 т.]. Т. 5. — Минск, 2007.
- Парк Победы: синтез монументального и паркового искусства / Анна Аксенова // Архитектура и строительство: научно-технический журнал. — 2010. — № 6. — С. 34—39.
- Сычева А. В. Охрана природы и архитектура.— Мн. 1976.
Спасылкі
[правіць | правіць зыходнік]
На Вікісховішчы ёсць медыяфайлы па тэме Парк Перамогі (Мінск)
