Dinasti Song
Dinasti Song (bahasa Tionghoa: 宋朝; pinyin: Sòng Cháo; Wade-Giles: Sung Ch'ao) tu salah satu dinasti nang mamarintah di Cina antara tahun 960 sampai tahun 1279 sabalum Cina diinvasi ulih bangsa Mongol. Dinasti ini manggantiakan periode Lima Dinasti dan Sapuluh Nagara dan limbah gugur digantiakan ulih Dinasti Yuan. Dinasti ini pamarintahannya panambaian di dunia nang mancitak uang kartas dan jua dinasti Cina panambaian nang mandiriakan angkatan laut. Dalam periode pamarintahan dinasti ini jua, bubuk mesiu panambaian digunaakan dalam paparangan wan kumpas digunaakan gasan manantukan ampah utara.
Dinasti Song dibagi ka dalam dua periode, Song Utara dan Song Selatan. Sawayah periode Song Utara (Citakan:Zh-c, 960–1127), indung banua Song andakannya di kuta Bianjing (damini Kaifeng) dan dinasti ini ma-atur kabanyakan dairah Tiongkok dalam (dairah nang kabanyakan urang Han). Song Selatan (Citakan:Zh-c, 1127–1279) adalah periode limbah dinasti Song kahilangan kandali atas Tiongkok Utara nang dirabut ulih Dinasti Jin. Pada masa periode ini, pamarintahan Song mundur ka selatan Sungai Yangtze dan mambangun indung banua di Lin'an (damini Hangzhou). Walaupun Dinasti Song sudah kahilangan kandali atas dairah asal kalahiran kabudayaan Cina nang pusatnya di sakitar Sungai Kuning, ikunumi Dinasti Song kada gugur karna 60 persen populasi Cina barada di dairah kakuasaan Song Selatan dan kabanyakan dairah kakuasaannya marupakan tanah gasan batanam nang bagus.[1] Dinasti Song Selatan maningkatakan kakuatan angkatan lautnya mempertahankan daerah maritim dinasti Song. Untuk mendesak Jin dan bangsa Mongol, dinasti Song mangambangkan teknologi militer nang manggunaakan bubuk mesiu. Pada tahun 1234, Dinasti Jin ditaklukakan ulih bangsa Mongol. Möngke Khan, khan kaampat kakaisaran Mongol, habis umur pada tahun 1259 dalam panyarangan ka sabuting kuta di Chongqing. Dangsanak lalakiannya, Kublai Khan dudi dinyataakan sabagai khan nang hanyar, walaupun klaim ini hanya diakui ulih sapalih bangsa Mongol di bagian Barat. Pada tahun 1271, Kubilai Khan dinyataakan sabagai Kaisar Cina.[2] Limbah paparangan sporadis salawas dua dasawarsa, tantara Kubilai Khan barhasil manaklukakan dinasti Song pada tahun 1279. Cina limbah itu disatuakan pulang di bawah Dinasti Yuan (1271–1368).[3]
Bacaan lanjut
[babak | babak asal-mulanya]- Cotterell, Arthur. (2007), The Imperial Capitals of China - An Inside View of the Celestial Empire, London: Pimlico, hlm. 304 pages., ISBN 978-1-84595-009-5
- Gascoigne, Bamber (2003), The Dynasties of China: A History, New York: Carroll & Graf, ISBN 1-84119-791-2
- Gernet, Jacques (1982), A history of Chinese civilization, Cambridge: Cambridge University Press, ISBN 0-521-24130-8
- Giles, Herbert Allen (1939). A Chinese biographical dictionary (Gu jin xing shi zu pu). Shanghai: Kelly & Walsh.
- Kruger, Rayne (2003), All Under Heaven: A Complete History of China, Chichester: John Wiley & Sons, ISBN 0-470-86533-4
- Tillman, Hoyt C. and Stephen H. West (1995). China Under Jurchen Rule: Essays on Chin Intellectual and Cultural History. Albany, New York: State University of New York Press.
Tautan luar
[babak | babak asal-mulanya]- Dinasti Song di China Heritage Quarterly Archived 2021-02-25 at the Wayback Machine
- Dinasti Song di bcps.org
- Karya seni Song dan Liao
- Lukisan-lukisan dinasti Song, Liao dan Jin Archived 2007-08-14 at the Wayback Machine
- Seni Dinasti Song dengan penjelasan dalam bentuk video Archived 2008-09-07 at the Wayback Machine
- ^ Kasalahan pangutipan: Tag
<ref>tidak sah; tidak ditemukan teks untuk ref bernamaebrey et al 2006 167 - ^ Rossabi 1988, hal. 115
- ^ Rossabi 1988, hal. 76