Emgann Bakhmut

Emgann Bakhmut

emgann

Rann eus	Battle of Donbas, Brezel etre Ukraina ha Rusia
Stad	Ukraina
E tiriad	Bakhmut Hromada
Lec'h	Bakhmut, Ukraina
Daveennoù douaroniel	48°35′42″N 38°0′0″E
Deiziad	2020s
Deiziad kregiñ	1 Eos 2022
Prantad	istor Ukraina abaoe 1991, Rusia dindan renerezh Vladimir Poutin
Perzhiad	Nerzhioù armet Rusia, Nerzhioù lu Ukraina
Efed	Nerzhioù armet Rusia

Emgann Bakhmut pe Emgann Artemivsk zo un hollad emgannoù nepell diouzh kêr Bakhmut etre nerzhioù lu Ukraina ha nerzhioù Kevredad Rusia harpet gant gopr-soudarded ar Strollad Wagner ha nerzhioù lu Republik Pobl Donetsk ha Republik Pobl Louhansk e-kerzh Emgann an Donbas. Krog e oa kanoliadeg kêr Bakhmut e Mae 2022, met kroget e oa an emgann da vat d'ar 1añ a viz Eost. Nerzhioù lu Rusia a oa deuet eus tu Popasna goude ma voe kilet gant Ukrainiz diouzh an talbenn.

E fin ar bloavezh 2022, goude enep-argadennoù C'harkiv ha C'herson gant Ukraina, talbenn Bakhmut-Soledar a oa deuet da vezañ lec'h pouezusañ ar brezel. Rusia a gendalc'h da dagañ eno dreist-holl adalek Du 2022. Ouzhpennet e oa bet nerzhioù rusian evit harpañ an talbenn o tont eus talbenn Kherson gant soudarded nevez enrollet. Gant an amzer o tremen e vez keñveriet an talbenn ouzh unan eus ar C'hentañ Brezel-bed gant fozioù-difenn ha tagadennoù gwadus a bep tu hep gounid douaroù anat. Keñveriet e vez gant emgannoù Stalingrad ha Verdun ^[1]

Bakhmut, pe Artemivsk, a oa bet lec'h Emgann Artemivsk e 2014 etre nerzhioù lu Ukraina ha nerzhioù disrannour Republik Pobl Donetsk. Disranourien rusian o doa aloubet kêr e miz Ebrel 2014. Nerzhioù ispisial Ukraina gant harp ar gward broadel zo bet kaset evit skarzhañ an disrannourien. Ar pezh a oa erruet e miz Gouhere 2014.

Ar c'horonal war e leve Serhiy Hrabskyi en doa embannet e oa ar Strollad Wagner o klask kaout un trec'h o aloubiñ Bakhmut. Penn ar strollad Yevgeny Prigozhin a vije o klask rastellañ arc'hantaouiñ Rusia ha brud politikel digant ar gouarnamant rusian. Prighozhin e unan en deus embannet e oa pal an emgann da dreiñ kêr Bakhmut en un "drailherez kig" evit lazhañ pe gloazañ ar muiañ a soudarded ukrainan posubl.

Tabut a zo evit gouzout pouez strategel kêr. Evit darn ar ar bolitikerien pe kazetennerien a-du gant Ukraina n'eo ket ur gêr pouezus ^[2]. Evit pennoù lu Ukraina eo ur fazi kenderc'hel da goll soudarded evit ar gêr.

Tu Rusia e vez embannet eo pouezus kemer ar gêr rak strategel e vefe evit peurrest ar brezel ^[3].

Pezh a zo anat eo gant an amzer o redek eo deuet da vezañ un emgann pouezus anezhi dre ma 'z eo ur simbol politikel.

• Dmytro Kotsioubaïlo