Vai al contenuto

Spice Girls

Da Wikipedia.

C'l artìcul chè 'l è scrit in Miranduléś Emiliàn

La Adams, la Mel C, la Mel B, la Bunton e la Halliwell tòlti śò in dal 2008


«
The race is on to get out of the bottom, the top is high so your roots are forgotten, giving is good as long as you're getting, what's driving you is ambition I'm betting, I said who do you think you are (do you think you are), I said who, some kind of superstar, you have got to swing it, shake it, move it, make it.»
(EN)(Who Do You Think You Are, 1997)
«
La gara l'è drē a tacàr da la basa, la sima l'è élta dònca 'l tò raìś i èṅ daśmindgàdi, dar 'l è 'n bèl lavōr in fiṅ tant ch'at pòrt a cà quèl, qvél ch'a t guìda 'l è l'ambisiòṅ a gh scumét, a-j-ò dit chi créd-at 'd èsar (péns-at 'd èsar)? A-j-ò dit chi, na spécie 'd superstar, at gh'à da śdundlàr-al, squasàr-al, mōv'r-al, far-al.»
(MUD)


Al Spice Girls (a s lèś [spaɪs ɡɜːls] in ingléś) i èṅ un grup pop britànic fundâ in dal 1994 a Lóndra ch'al mét insém sinc cantànti e balarìni: la rósa 'd cavìi Geri Halliwell (Ginger Spice), la Victoria Adams (Posh Spice, mujēr dal śugadōr ad fólbar David Beckham), la biónda Emma Bunton (Baby Spice), la Melanie Brown (Scary Spice, cgnusùda méj cuma Mel B) e la Melanie Chisholm (Sporty Spice, cgnusùda méj cuma Mel C).

La Melanie Chisholm
File:Geri Halliwell attends New Year's Eve Party.jpg
La Geri Halliwell
La Melanie Brown
La Victoria Beckham

In dla secónda mità di an Nuànta, prima 'd mulàr-'s in dal 2001 par dar vita a di prugèt da par lōr, i aṅ fat sù un sucès dimóndi grand dvintànt al grup muśicàł ad fémni più famóśi a 'l mónd c'n i sò utànta-sinc migliòṅ ad disc vindû, cun tri àlbum in studi (al tèrs sénsa la Halliwell) e na racòlta publicàda in dal 2007 ch'la mitìva insém i sò sìngui più impurtànt cuma Wannabe (al sò prim sucès ch'l è sta bòṅ 'd armàgn'r a 'l prim pòst dal clasìfichi britànichi par set stmani), Say You'll Be There, 2 Become 1, Spice Up Your Life, Too Much, Stop, Holler e Goodbye.

In dal 1997 i èṅ recitâ da prutagunìsti in dal film ad Bob Spiers Spice Girls - Il film ch'al gh'à frutâ un Razzie Awards cuma atōri lòfi. In di an Dumìla i aṅ tuti fat vgnir fóra di disc sulìsta ma qvéli ch'i aṅ abû più séguit i èṅ stadi la Halliwell (c'n i sìngui It's Raining Men, Look at Me, Mi Chico Latino e Lift Me Up), la Mel C (cun di pès cuma Never Be the Same Again, When You're Gone, I Turn to You e Northern Star) e la Bunton (What Took You So Long?).

Al grup al s è mis insém in dal 2007/2008 p'r un tour mundiàl, in dal 2012 par n'eśibisiòṅ durànt gl'Ulimpìadi 'd Lóndra e pò incóra in dal 2018.

Discugrafìa

Àlbum

  • 1996 - Spice
  • 1997 - Spiceworld
  • 2000 - Forever

Racòlti

  • 2007 - Greatest Hits

Sìngui

  • 1996 - Wannabe
  • 1996 - Say You'll Be There
  • 1996 - 2 Become 1
  • 1997 - Mama
  • 1997 - Who Do You Think You Are
  • 1997 - Spice Up Your Life
  • 1997 - Too Much
  • 1998 - Stop
  • 1998 - Viva Forever
  • 1998 - Goodbye
  • 2000 - Holler
  • 2000 - Let Love Lead the Way
  • 2007 - Headlines (Friendship Never Ends)

Culegamènt estéran

Estratto da "https://eml.wikipedia.org/w/index.php?title=Spice_Girls&oldid=155129"